Molaetsa For the Strength of Youth wa Kgwedi le kgwedi, Tlhakole 2021

Nka itse jang gore ke utlwa lentswe la Morena mo botshelong jwa me?

Poresidente Russell M. Nelson o re laleditse go “akanya thata le gantsi” ka fa re utlwang Jesu Keresete le go “tsaya dikgato go mo utlwa botoka le gantsi thata” (“‘O #Moutlwa Jang?’ Taletso e e tlhaolegileng,” Tlhakole. 26,2020, blog.ChurchofJesusChrist.org).

Re ka Mo utlwa ka dikwalo tse di boitshepo le mafoko a baporofeti. Mme ga se fela go utlwa le go bala mafoko ao mo eleng konokono. Ka Moporofeti Joseph Smith, Morena o ne a tlhalosa:

“Ke lentswe la me le le buang [mafoko a] mo go wena; gonne a newa ka Mowa wa me mo go wena … ; 

Ke gone, o ka paka gore o utlwile lentswe la me” (Dithuto le Dikgolagano 18:35–36).

Ka tlaleletso, go batla go mo utlwa ga se sengwe seo re se dirang ka boripana. Poresidente Nelson o rile , “ Go tsaya maiteko a ka bomo le a a sa fetogeng (“Mo Utlwe,” Moranang 2020 khonferense ya kakaretso [Ensign kgotsa Liahona, Motsheganong 2020, 89]).

Fa o ithuthuntsha, o rapela, o obamela, o direla, mme o obamela ditaelo tsa Morena, O tla go segofatsa ka Mowa wa Gagwe le, ka Tetlanyo ya ga Jeso Keresete, a go fetola. Go tswa foo o ka itse gore o utlwile lentswe la Gagwe.

© 2021 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya Thanolo: 6/19. Thanolo ya Molaetsa wa For the Strength of Youth ya Kgwedi le kgwedi, Tlhakole 2021. Puo. 17464 763