“Semati,” Me iSakisaki ni iTabagone, Maji 2021, loma ni waqana e liu.
Semati
Liah T.
16, Louisiana, Amerika
Na sereivakatagi e tiki levu ni noqu bula. Au dau taleitaka meu vakatagitaka na vaiolini kei na viola. Niu se gone, a kacivi o tinaqu me vakavulica na sereivakatagi ena Lalai. A vakavulici au o koya meu taleitaka na sere ena nodra Nodra Sere na Lalai, kau dau vakila na Yalo ena gauna au dau vakatagitaki ira kina.
Au a danisi talega ena Louisiana Vintage Dancers ka droini ena kenivasi me baleti rau na noqu itubutubu kei na noqu itikotiko. E levu na ka au dau vakavinavinakataka ka taleitaka vakalevu vei ira na tamata era dau vakayagataka nodra gauna mera droinitaka na veika eso eda raica tu ena lotu. Au vakabauta ni sa dua na ka talei ni droini sa dua tale na sala era rawa ni wasea kina na tamata na nodra nanuma baleta na kosipeli.
Ena koniferedi raraba ni Okotova 2018, a vakamacalataka kina o Elder Gerrit W. Gong ena Kuoramu ni iApositolo Le Tinikarua na droini ni kena a dromu toka na siga ena daku ni dua na veikau. A dua na ka rairai totoka! E vakavotuya kina vei au na droini oqo ni na cadra ga mai na siga ni oti na bogi buto.
Na kosipeli sa noqu bula! Au taleitaka na semata na noqu taleitaka na droini ki na kosipeli. Eso na gauna ena sega ni gadrevi me sa dau droini tu ga ni veika vakalotu meu rawa kina ni vakila na loloma ni Kalou. Au a dau raica talega e liu na droini ni manumanu vuka kau dau vakasamataka, “Isa, a bulia na Kalou na manumanu vuka o ya me baleti au.”