“Continuing Revelation,” For the Strength of Youth, Mar. 2021, 16.
ຂ່າວສານປະຈຳເດືອນ For the Strength of Youth, ເດືອນມີນາ 2021
ການເປີດເຜີຍອັນຕໍ່ເນື່ອງ
ຈາກຄໍາປາໄສຂອງກອງປະຊຸມໃຫຍ່ສາມັນ ເດືອນເມສາ 2020.
ຮູບພາບປະກອບ ໂດຍ ເບັນ ໄຊມອນເຊັນ
ສາດສະດາໂຈເຊັບ ສະມິດ ໄດ້ຮັບການເປີດເຜີຍຫລາຍເທື່ອ. ການເປີດເຜີຍຫລາຍຢ່າງທີ່ສາດສະດາໂຈເຊັບໄດ້ຮັບ ຖືກຮັກສາໄວ້ສຳລັບເຮົາ ຢູ່ໃນ ຄຳສອນ ແລະ ພັນທະສັນຍາ.
ນອກເໜືອຈາກນັ້ນ, ເຮົາກໍໄດ້ຮັບພອນດ້ວຍການເປີດເຜີຍອັນຕໍ່ເນື່ອງແກ່ສາດສະດາທີ່ມີຊີວິດຢູ່ ຜູ້ຊຶ່ງເປັນຕົວແທນຂອງພຣະຜູ້ເປັນເຈົ້າ ທີ່ “ໄດ້ຮັບໜ້າທີ່, ໄດ້ຮັບສິດອຳນາດທີ່ຈະກ່າວແທນພຣະອົງ.”1
ການເປີດເຜີຍສ່ວນຕົວມີໃຫ້ທຸກຄົນທີ່ສະແຫວງຫາການຊີ້ນຳຈາກພຣະຜູ້ເປັນເຈົ້າດ້ວຍຄວາມຖ່ອມຕົວ. ມັນສຳຄັນເທົ່າໆກັບການເປີດເຜີຍຂອງສາດສະດາ.
ການເປີດເຜີຍສ່ວນຕົວແມ່ນຂຶ້ນກັບຄວາມຈິງທາງວິນຍານທີ່ໄດ້ຮັບຈາກພຣະວິນຍານບໍລິສຸດ. ພຣະວິນຍານບໍລິສຸດເປັນ ຜູ້ເປີດເຜີຍ ແລະ ເປັນພະຍານ ເຖິງຄວາມຈິງທັງໝົດ, ໂດຍສະເພາະກ່ຽວກັບພຣະຜູ້ຊ່ວຍໃຫ້ລອດ. ຖ້າປາດສະຈາກພຣະວິນຍານບໍລິສຸດ, ເຮົາຈະບໍ່ສາມາດຮູ້ໄດ້ວ່າ ພຣະເຢຊູຄືພຣະຄຣິດ. ບົດບາດທີ່ ສຳຄັນທີ່ສຸດ ຂອງພຣະອົງຄືການເປັນພະຍານເຖິງພຣະບິດາ ແລະ ພຣະບຸດ ແລະ ຕຳແໜ່ງ ແລະ ລັດສະໝີພາບຂອງພວກພຣະອົງ.
ຂ້າພະເຈົ້າຮັບປະກັນວ່າເຮົາແຕ່ລະຄົນສາມາດໄດ້ຮັບການນຳພາຈາກການເປີດເຜີຍເມື່ອເຮົາອອກແຮງງານຢູ່ໃນສວນອະງຸ່ນຂອງພຣະຜູ້ເປັນເຈົ້າດ້ວຍຄວາມຖ່ອມຕົວ.
ຄຳອ້ອນວອນດ້ວຍຄວາມຖ່ອມຂອງຂ້າພະເຈົ້າຄື ເຮົາແຕ່ລະຄົນຈະສະແຫວງຫາການເປີດເຜີຍອັນຕໍ່ເນື່ອງ ເພື່ອນຳພາຊີວິດຂອງເຮົາ ແລະ ຕິດຕາມພຣະວິນຍານ ເມື່ອເຮົານະມັດສະການພຣະເຈົ້າອົງເປັນພຣະບິດາ ແລະ ພຣະຜູ້ຊ່ວຍໃຫ້ລອດຂອງເຮົາ, ພຣະເຢຊູຄຣິດ.
© 2021 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, March 2021. Laotian. 17466 331