“iTukutuku ni Veikidavaki,” Me iSakisaki ni iTabagone, Me 2021.
Soqoni ena Mataka ni Vakarauwai
iTukutuku ni Veikidavaki
Veitikina
Kemuni na taciqu, ganequ, kei na itokani lomani e vuravura taucoko, au sureti kemuni vakayadua ki na koniferedi raraba oqo. …
Na yabaki sa oti e sa dua na kena e vola itukutukutaki. Sega ni vakatitiqataki na noda sa vulica vakayadua na veika eda a sega ni kila taumada. Eso na lesoni au a kila tu eliu e sa volai tu e utoqu ena sala vou ka veidusimaki eso.
Me ivakaraitaki, au kila deivaki ni sa liutaka tiko na Turaga na cicivaki ni Nona Lotu. …
Au sa kila vakavinaka sara tu ga oqo na ka a vakaibalebaletaka ni a kaya, “Raica, au na vakusakusataka na noqu cakacaka ena kena gauna” [Vunau kei na Veiyalayalati 88:73]. …
… Ena loma ni yabaki sa oti oqo, e vuqa vei kemuni sa vakalevutaka sara na vulici ni kosipeli ena nomuni tikotiko. Au vakavinavinakataki kemuni, ka ra vakavinavinakataki kemuni na luvemuni.
Sa tiki ni vakasokomuni i Isireli, ka dua na tikina bibi, oya na ivakaro meda sa tamata bula kilikili ka lomasoli ka vukea na vakarautaki ni vuravura ena iKarua ni Lako Mai ni Turaga.
Ni da vakatudaliga ki na itukutuku sa vakarautaki vakavinaka mai vei ira na noda iliuliu ena veidusimaki ni Yalo Tabu, au sureti kemuni mo ni masulaka mo ni kila na veika sa dodonu me vagalalataki mai na nomuni bula mo ni rawa ni bula kilikili vakalevu sara kina.
… Ko ni sa kidavaki ki na koniferedi raraba kei na madigi ni vakarogoca na domo ni Turaga.