“Tikina ena Bure,” Me iSakisaki ni iTabagone, Me 2021.
Soqoni ena Mataka ni Vakarauwai
Tikina ena Bure
Veitikina
Ena gauna ni Siganimate oqo, e sureti keda tu o Jisu Karisito me da yaco, me vakataki Koya, me da dua na kai Samaria dauloloma, me da cakava na Nona bure (Nona Lotu) me dua na idrodro ni tamata kecega mai na mavoa kei na cava eso ni bula. …
Ni da lako mai vata kei na kai Samaria Dauloloma ki na bure, eda vulica e lima na ka me baleti Jisu Karisito kei keda.
iMatai, meda lako mai ki na bure ena keda ituvaki sara ga. Ia, e tu kece vei keda e dua na ka e gadrevi me da solia. Na noda ilakolako vua na Kalou e vakavuqa ni dau kunei vata. …
iKarua, e kerei keda o Koya me da cakava na Nona bure me dua na vanua ni loloma soliwale kei na galala, me rawa ni da soqoni yadua kina, kei na tikina e rauti keda kece. Vaka tisaipeli i Jisu Karisito, eda sa tautauvata kece, ka sega kina na ilawalawa vaka ikarua-ni-kalasi.
iKatolu, ena Nona bure, eda vulica kina ni bula uasivi sara sa tu ga vei Jisu Karisito, sega ena veika uasivi ni vuravura. … E sureti keda yadua o Koya meda dua na kai Samaria dauloloma, sega soti ni dau vakalelewa ka dauveivosoti vakai keda. …
iKava, … E kauti keda mai ki na Nona burenivulagi vakakina ki na Nona vale—na valetabu savasava … na vanua … e rawa ni vakasavasavataka ka vakaisulutaki keda kina na kai Samaria dauloloma, vakarautaki keda meda lesu ki na iserau ni Kalou, ka vakaduavatataki keda tawamudu ena matavuvale ni Kalou. …
Kenai otioti, na ikalima, eda reki ni Kalou e lomani ira na Luvena ena noda bula eliu kei na ituvaki duidui kece sara, ena veimatanitu, veimataqali, kei na duivosavosa, ka tu na tikina ena Nona burenivulagi me baleta na tamata kecega.
Sa yalataka na noda kai Samaria Dauloloma ni na lesu tale mai. E dau yaco na cakamana ni da veikauwaitaki vakataki Koya.