“Ang Personal nga Panaw sa usa ka Anak sa Dios,” Alang sa Kalig-on sa mga Kabatan-onan, Mayo 2021.
Sabado sa Hapon nga Sesyon
Ang Personal nga Panaw sa usa ka Anak sa Dios
Mga Kinutlo
Ang matag tawo kinsa moanhi sa kalibotan usa ka talagsaong anak sa Dios. Ang atong personal nga panaw wala magsugod diha sa pagkahimugso. Sa wala pa kita matawo, nag-uban kita didto sa usa ka kalibotan sa pagpangandam diin kita “midawat sa [atong] unang mga leksyon didto sa kalib[o]tan sa mga espiritu” [Doktrina ug mga Pakigsaad 138:56]. …
Isip mga anak sa pakigsaad sa Dios, kita mohigugma, motahod, moalima, manalipod, ug mohangop nianang mga espiritu nga nagagikan sa kinabuhi sa wala pa dinhi sa kalibotan. …
… Si Presidente Gordon B. Hinckley … miingon: “… Ang aborsiyon dautan … nga mikatap sa tibuok yuta.”
… Ipakigbahin nato ang atong lawom nga mga pagbati kabahin sa pagkabalaan sa kinabuhi ngadto niadtong kinsa mohimo og mga desisyon sa katilingban. Tingali dili kaayo sila makadayeg kon unsa ang atong gituohan, apan mag-ampo kita nga sila mas makasabot pag-ayo ngano nga, alang kanato, kini nga mga desisyon mahimong makaayo pa kay sa unsa ang gusto sa usa ka tawo alang sa iyang kaugalingong kinabuhi. …
Ako mopamatuod nga ang imong kaugalingon nga panaw isip anak sa Dios wala magsugod alang kanimo samtang ang unang huyop sa hangin gikan sa yuta misulod sa imong baga ug kini dili matapos sa imong kataposang gininhawa sa mortalidad.
Kita unta kanunay nga mahinumdom nga ang matag espiritu nga anak sa Dios moabot sa yuta sa iyang kaugalingong personal nga panaw. Kita unta mohangop kanila, manalipod kanila, ug kanunay nga mohigugma kanila. Samtang kamo modawat niining bililhong mga anak sa ngalan sa Manluluwas ug motabang kanila diha sa ilang mahangtorong panaw, ako mosaad nga ang Ginoo manalangin kaninyo ug mobubo sa Iyang gugma ug pag-uyon diha kaninyo.