“Jesukristo: Ang Tig-atiman sa Atong Kalag,” Alang sa Kalig-on sa mga Kabatan-onan, Mayo 2021.
Dominggo sa Buntag nga Sesyon
Jesukristo: Ang Tig-atiman sa Atong Kalag
Mga Kinutlo
Nagmaya ang akong kasingkasing sa paghinumdom sa labing kahibulongan, sa labing harianon, ug sa dili gayod masukod nga buhat nga nahitabo sa kasaysayan sa tawo—ang maulaong sakripisyo sa atong Ginoo, si Jesukristo. …
Si Kristo mabinationg mituman sa kabubut-on sa Amahan pinaagi sa Iyang walay kataposan ug maloloy-on nga sakripisyo. Gibuntog Niya ang ka-la sa pisikal ug espirituhanong kamatayon, nga gipaila ngadto sa kalibotan pinaagi sa Pagkapukan, nagtanyag kanato sa mahimayaong posibilidad sa mahangturong kaluwasan. …
Samtang pinaagi sa Iyang sakripisyo ang Manluluwas walay kondisyon nga mikuha sa mga epekto sa pisikal nga kamatayon, wala Niya kuhaa ang atong personal nga responsibilidad sa paghinulsol alang sa mga kalapasan nga atong mahimo. …
Minahal kong mga higala, ako mopamatuod kaninyo nga kon kita tinud-anay nga maghinulsol sa atong mga sala, gitugotan nato ang maulaong sakripisyo ni Kristo nga mahimong hingpit nga epektibo sa atong kinabuhi. …
Dugang pa niining halangdong gasa sa kaluwasan, ang Manluluwas mitanyag usab nato og tabang ug kahupayan samtang atubangon nato ang atong mga kasakit, mga tentasyon, ug mga kahuyang sa mortal nga kinabuhi, lakip sa mga sirkumstansiya nga atong nasinati karong bag-o sa pandemya karon. …
Samtang kita mopaduol ngadto Kaniya, motugyan sa atong kaugalingon sa espirituhanon nga paagi ngadto sa Iyang pag-atiman, kita makahimo sa pagdala diha sa atong kaugalingon sa Iyang yugo, nga sayon, ug sa Iyang salagubangon, nga magaan, sa ingon makakaplag nianang gisaad nga kahupayan ug kapahulayan. Dugang pa, kita makadawat sa kalig-on nga gikinahanglan natong tanan sa pagbuntog sa mga kalisod, mga kahuyang, ug mga kasubo sa kinabuhi, nga lisod kaayo sa paglahotay kon wala ang Iyang tabang ug makaayo nga gahom.