Na iVakarau ni Neimami Sokalou

E San Diego, Amerika

San Diego

iTaba eso mai na Getty Images

cauravou kei na vuaka

Bula! Na yacaqu o Chace B. Au sa yabaki 14, ka’u vakaitikotiko e San Diego. O San Diego e tiko ena ceva kei California, e Amerika. E duidui sara na ituvaki ni vanua. O San Diego e itikotiko ni wavu lelevu, vei ulunivanua, veibuca, veiqakilo, kei na veidelana. E dau katakata toka ka cilavi siga ena yabaki taucoko.

Sotava na Noqu Matavuvale

matavuvale ena Siganisucu

Na noqu matavuvale kei au keitou vakaitikotiko ena vei ulunivanua e San Diego. Au tiko vata kei tinaqu; na ganequ yabaki 10, o Payslie; kei na noqu abuelito kei na abuelita (tukaqu kei buqu). Keitou tiko ena dua na vanua ni teitei ka levu sara kina na manumanu. Keitou tovolea me bulataka e dua na ivakarau ni bula e rawarawa ka makawa.

drodrolagi ena dua na ituvaki ni vanua tu tani

Na Kena Caka Me Bibi na Sakaramede

cauravou

Ena gauna ni veivakatikitikitaki ni COVID-19, sa rawa ni yaco me dau vakawaleni sara e vale na Sigatabu ena noda idabedabe kei na isulu dakoba. Au a vinakata me’u cakava e dua na ka me vakadeitaka ni sa bibi na Sigatabu. Au mani nanuma me’u cakava na neitou tere ni sakaramede ga vakamatavuvale me dua vei ira noqu takete vakayalo me baleta na parokaramu vou ni Gonelalai kei na iTabagone.

cauravou ena volau ni cakacaka

Matai, au a taura e dua na tiki ni kau ka qiva eso na qara ena dua na kena veimama me baleta na bilo. Au a qai ceuta e dua na terea ena ikarua ni veimama me baleta na madrai. A vukei au na noqu abuelita me sanipepa taka me yacova ni sa yagoyago vinaka sara. Keirau sa qai vakacobara e dua na kena itautauri ka dregata na kau.

terea ni sakaramede caka‑e‑vale

Na imatai ni Sigatabu keitou a lako me vakarautaka na sakaramede ka sega ni kunea rawa na bilo me rauta na qara ena terea. Keitou a vaqaqara kece ena vicavata na auwa me baleti na bilo. Ni oti e dua na gauna au sa lewa me keitou sa na vakayagataka ga na sakaramede ke tiko na kena bilo vinaka se sega. Keitou na sega ni laiva oqori me vakalatilati ena neitou vakatabuya na Siga ni Vakacecegu.

Ena Sigatabu o ya ni keitou vakayagataka na sakaramede, e a vakanomodi, vakainaki, ka vakarokoroko vakalevu cake sara. Au a vakila na noqu marautaka na noqu lalawa ka’u a vakotora ka rawata vinaka. Au kila ka rawa ni vakila ni dokai au na Tamaqu Vakalomalagi ena noqu lalawa kei na digidigi e oka kina.

• O San Diego e itikotiko ni vuni paini kunekune dredre na Torrey.

  vunikau

• O San Diego e dau rawata e levu duadua na avocado mai na veivanua tale eso e Amerika.

• O California e dau vakatokai tu “Na Vanua Koula.”

• Na Valetabu e San Diego California e i ka 45 ni valetabu me vakatabui.

  Valetabu e San Diego California

• E tiko e dua na tabana ni kaulotu ni Lotu e San Diego, ka yaco sobu sara yani ki na iyalayala kei Mexico.

• O San Diego e itikotiko ni Yavu Makawa ni Mataivalu ni Momani ni Lotu.

  Yavu Makawa ni Mataivalu ni Momani

Tukuna Mai na iVakarau ni Nomuni Sokalou

Keimami na taleitaka me rogoca na ivakarau ni nomuni sokalou ena nomuni itikotiko. Vakauta mai e dua na ivakamacala lekaleka ni nomu itikotiko, na cava o dau cakava ena Siga ni Vakacecegu, nomu itaviqaravi taleitaki, se dua tale na ka o rawa ni vakasamataka. Vakauta ki na [e-mail].