“Me’u tarova vakacava noqu vakataroga na kequ yaga-vakai-au?” Me iSakisaki ni iTabagone, Jiulai 2021, 30–31.
Taro kei na Kena iSau
“Me’u tarova vakacava noqu vakataroga na kequ yaga-vakai-au?”
Ena Mata i Tamada Vakalomalagi
“Ena veisiga, au dau masu vua na Tamada Vakalomalagi ka kerei Koya me vukei au me’u raici au ena sala e raici au kina o Koya. Au sa qai vakarorogo vakavinaka ni sa dau solia vei au na Yalotabu na itukutuku vinaka mai vua na Kalou me baleta na kequ yaga kei na noqu kilai, ka’u dau cavuta vei au na veivosa oqo ena iloilo. Na itaviqaravi rawarawa oqo e dua na sala eda rawa ni semati kina kei lomalagi ka vulica ni lomani keda na Tamada Vakalomalagi kei Jisu Karisito ka vakabauti keda.”
Madeleine M., 14, New York, Amerika
Lomana na Keda Duidui
“Au dau cakava na noqu vinaka taucoko me’u nanuma kina ni’u sa luvena daulomani na Kalou. Au tovolea me’u kua ni vakatauvatani au kivei ira na tani, baleta ni na dredre cake kina me’u vakabauta na kequ yaga. Sa solia vei keda kece na Kalou na veika uasivi ka totoka ena noda sala ga, kei na duidui eso oya era sa ka vinaka. ”
Brooke D., 14, Alberta, Canada
Dua na Veivakalougatataki Vakamatavulo
“Eda dau nanuma wasoma ni malumalumu se noda ituvaki cala e vakavuna meda tawayaga. Na ka dina, eda sa vakalougatataki ni da rawa ni lako siviti ira ka yaco meda tamata vinaka cake ena yalomalumalumu kei na bula-torocake vakai keda. Kevaka eda cakacakataka na veika e dredre vei keda, ena raica ka sauma mai na Turaga na noda sasaga. E baleta kecega na sasaga tiko ka sega ni soro.”
Ricardo R., 17, Chihuahua, Mexico
Keda iTuvaki Vakalou
“E sega ni vakatauvatani rawa e dua na ka ki na noda kila ni da sa luve ni Kalou bula, eda na rawa kina ni yaco meda vakataki koya. E veisautaka na ka kecega! Ni yaco mai vei keda na vakasama ca ka da vakataroga kina na keda yaga, nanuma tiko ni vakanananu oqori e lako mai vei Setani, sega ni Kalou. E tawayalani na keda icavacava kei na ituvaki vakalou, me vaka ga na Tamada Vakalomalagi. E vakabauti keda ka lomani keda yadua o Koya.”
Alexandre S., 16, Minas Gerais, Brazil
Itavi Cecere
“Ni’u dau segata me’u vulica ka vakasamataka vakatitobu na ivolanikalou kei na nodra vosa na parofita bula, au rawa ni vakila na Yalo Tabu, ka dau vakananuma vei au ni’u sa dua na luvedrau yalewa lomani na itubutubu vakalomalagi ka sa tu na nona ituvatuva cecere na Kalou me baleti au. Sa dau vakaraitaka tu ga vei keda o Peresitedi Nelson na itavi cecere e noda ena veisiga e muri oqo ka sa nuitaki keda tiko na Kalou ka kila ni da na rawata. ”
Mirian P., 16, Paraná, Brazil
Cakava e Dua na Ka O Lomana
“Ni da tekivu me vakataroga na keda yaga, eda na rawa ni vakasaqara na veivuke mai vei ira na tani. Ia taumada, sa rawa ni da tekivu cakacaka ena noda vakasama ga. E rawa ni da vakaukauwa yago, veimaliwai kei ira na itokani kei na matavuvale ena sala bulabula, se cakava e dua na itaviqaravi eda marautaka. Oqo ena vukei keda meda kila ni da sa luvena na Kalou, ka sa solia vei keda na veika yaga kei na taledi.”
Carlos V., Mexico
Mo Kilai Iko Vinaka
“Au a raica ni rawarawa cake me’u lomani au baleta ni’u a taura na gauna me’u kila o cei o au. E dua na gauna a tukuna vei au o tukaqu, “O na bula tiko vata kei iko ena veigauna tawamudu, o koya sa vinaka ga mo dua o na vinakata mo dau tiko vata kaya.” Au a muria na ivakasala o ya ka tovolea me’u vaka na kequ ituvaki vinaka duadua. Ia oqo au sa yalodei cake baleta ni’u kila na ka au taleitaka, na ka au vinaka kina, kei na veika au tutaka. Au vakila na marau ni’u tovolea tiko me’u vakataka na tamata e vinakata na Tamada Vakalomalagi me’u yacova. ”
Sarah Nielson, Utah, Amerika
Nanuma se o Cei O Iko.
“Au vakananuma na sere ni lalai “Au Luve ni Kalou.” E vakananuma vei au ni sa soli vei au na isolisoli kei na taledi me’u vukea na vuravura me vakavakarau ki na iKarua ni Lako Mai ni Turaga. Na noda itavi kece na tamata e duatani ka yaga, ka da sa ka mana kece ena noda bula vakai keda O sa dua dina na ka mana ena bula oqo kivei ira kecega era tu wavoliti iko. Kevaka o na guilecava ena dua na gauna, vakasamataka na veika kece a cakava o Jisu e vuravura ka tovolea mo muria na Nona ivakaraitaki. Ena gauna ga o vakila kina na rarawa se tawayaga, vakaraica e dua e vakila talega oqori, o na vakila na nomu laveti.”
Brigham M., Mexico
Veivakadonui Vakalou
“Ni’u vakarorogo vua na Kalou, e vukei au o Koya me tarova na noqu dau vakataroga na kequ yaga. Na tamata tale eso era sega ni rawa ni kila vinaka na kequ yaga, ia na Kalou e rawa, ka’u vakabauti Koya. Kevaka au laivi ira na tamata era tu wavoliti au me ra lewa na kequ yaga, na ka ga au cakava oya noqu vakarogoca na nodra vosa ka vakasamataki au vaka ca. Ia ni’u biuta tani na nodra vosa tawayaga, au sa sega tale ni gadreva me’u vakataroga na kequ yaga. Au sa vulica ni’u sega tale ni gadreva na nodra veivakadonui. E dui tu vei keda na luvena na Tamada Vakalomalagi na keda yaga yadua. Eda na gadreva me da dau vakananumi keda kina, vakabibi kevaka e sega ni dua tale e cakava oqori.”
Anna G., 23, Varanise
Yalodei ena Kosipeli
“Ena vakauitukutuku raraba, au dau raici ira na veimataqali tamata era vaka me vinaka sara, se vinaka cake mai vei au. Na bulataki ni kosipeli e vukei au me taracake e dua na ivakarau ni vakavinavinaka me baleta o cei o au. Ni’u bulataka tiko na ivakavuvuli eso ni Kosipeli me vaka na vakabauta, veivutuni, kei na vakasamataki vakatitobu ni ivolanikalou, au vakila ni’u duatani. Au sega ni vakila na kena gadrevi me’u vakatauvatani au kivei ira na tani, ka kena itinitini, au yalodei vakalevu cake kina.
O Alexandra R., Mexico
Vosoti Iko Vakai‑iko.
“Eda sega ni dau nanuma ni ganita meda vosoti, baleta ni da kila tu na cala eda a cakava. Ia eda sa tamata ga—eda caka cala ka da na cakava tikoga. Eda gadreva me da vosoti keda vakaikeda, baleta ni da gadreva kece e dua tale na gauna. Eda na gadreva me da raici keda ena matadra na tamata era lomani keda. Eda na raica e dua na tamata uasivi ka veivakurabuitaki ka dodonu me lomani tawayalani se cava ga na ka e gadrevi.
Valerie J., Mexico