“E vakacava dina tu beka na matanitu vakasilesitieli?” Me iSakisaki ni iTabagone Jiulai 2021, 31.
Ki na Utona
E vakacava tu beka na matanitu vakasilesitieli?
Lagilagi vaka iTagede, mai vei Annie Henrie
E dina beka ni sega ni tu vei keda na veika matailalai me baleta na matanitu vakasilesitieli, ia sa vakatakila mai na Turaga eso na dina kaukauwa. Oqo eso na ka eda kila:
-
Me da bula ekea e kena ibalebale me da tiko ena iserau i Tamada Vakalomalagi kei Jisu Karisito ena dua na yago sa uasivi sara ka vakaturicaketale ka bulataka na mataqali bula e Rau bulataka. Na bula oqo sa ikoya mo “tiko marau kina … me tawamudu” (Mosaia 2:41) ka “ena vuabale na [nomu] marau” (3 Nifai 28:10).
-
O ira era bula tiko e kea era sa “uasivi sara ena vukui Jisu,” ka “sa nodra na ka kecega” (Vunau kei na Veiyalayalati 76:59, 69).
-
Sa ikoya na lagilagi cecere duadua ni matanitu kecega. Na kena lagilagi sa vakatauvatani ki na rarama ni matanisiga.
-
Na mataqali veimaliwai vata ga e tu vei keda eke ena tiko e kea, oka kina na isema vakamatavuvale, ia era na “vakaikuritaki toka ena lagilagi tawamudu” (Vunau kei na Veiyalayalati 130:2).
-
E tolu na kena ivakatagedegede. Na ivakatagedegede cecere duadua sa ikoya na vanua era bula vata kina na tamata era sa vauci vata ena vakamau tawamudu ka ra sa dinata tiko na nodra veiyalayalati (raica na Vunau kei na Veiyalayalati 131:1–4).
-
Na vuravura ena vakatikori ena lagilagi vakasilesitieli (raica na Vunau kei na Veiyalayalati 88:17–20).