“Ang Hugot nga Pagtuo alang sa Pagpangutana ug Dayon sa Paglihok,” Alang sa Kalig-on sa mga Kabatan-onan, Nob. 2021.
Sabado sa Gabii nga Sesyon
Ang Hugot nga Pagtuo alang sa Pagpangutana ug Dayon sa Paglihok
Mga Kinutlo
Ang paagi sa pagdawat og pagpadayag gikan sa Dios wala mausab gikan sa mga adlaw ni Adan ug Eva. Pareha ra kini alang sa tanang gitawag nga mga sulugoon sa Ginoo gikan sa sinugdanan hangtod karon. Pareha ra kini alang kaninyo ug kanako. Gihimo kini kanunay pinaagi sa paggamit sa hugot nga pagtuo. …
… Kamo adunay mga pangutana diin nagtinguha kamo og mga tubag. Labing menos kamo adunay igong hugot nga pagtuo nga maglaom nga kamo makadawat og mga tubag gikan sa Ginoo pinaagi sa Iyang mga sulugoon. Kamo walay oportunidad sa pagpangutana og kusog alang sa mga tubag gikan sa mga mamumulong, apan kamo makapangutana sa inyong mahigugmaong Amahan pinaagi sa pag-ampo.
Nahibaloan nako gikan sa kasinatian nga ang mga tubag moabot nga ipahaom sa inyong mga panginahanglan ug sa inyong espirituwal nga pagpangandam. …
Kon ang inyong hugot nga pagtuo kang Jesukristo misangpot ngadto sa nalukmay nga kasingkasing pinaagi sa mga epekto sa Iyang Pag-ula, kamo mas makahimo nga mobati sa impluwensya sa Espiritu agig tubag sa inyong mga pag-ampo. …
Samtang ang atong hugot nga pagtuo kang Jesukristo mogiya nato sa pagpangutana sa Amahan alang sa mga tubag, kana nga hugot nga pagtuo modala usab sa impluwensya sa Manluluwas igo nga kita makadungog sa Iyang direksyon ug mahimong determinado ug madasigon sa pagsunod. …
Akong pagpamatuod nga ang bato nga atong gitindogan mao ang atong saksi nga si Jesus mao ang Kristo; nga kini Iyang Simbahan nga personal Niyang gigiyahan; ug nga si Presidente Russell M. Nelson mao ang Iyang buhi nga propeta karon. …
Ako mag-ampo nga kamo adunay sama nga pagsaksi.