“Na Vakabauta mo Kerea ka Qai Cakacakataka,” Me iSakisaki ni iTabagone, Nove. 2022.
Soqoni ena Yakavi ni Vakarauwai
Na Vakabauta mo Kerea ka Qai Cakacakataka
Veitikina lavetaki
E sega ni se veisau na sala e ciqomi kina na vakatakila mai vua na Kalou mai na gauna i Atama kei Ivi. E sa tautauvata tu vei ira nai talai kacivi taucoko ni Turaga mai na ivakatekivu ki na gauna oqo. E sa tautauvata vei iko kei au. E dau vakayacori tikoga ena cakacakataki ni vakabauta. …
… Sa tiko na nomu vakatataro o sa vakasaqara tiko na kedra isau. Sa veirauti na nomu vakabauta mo nuitaka ni ko na ciqoma na isaunitaro mai vua na Turaga maivei ira na Nona italai. Ena sega ni nomu na madigi mo kerea vakadomoilevu na isaunitaro mai vei ira na vosa tiko, ia sa rawa ni o kerea na Tamamu lomani ena masu.
Au kila mai na ka au sotava ni na basika na isaunitaro me sotava na nomu gagadre kei na vakavakarau vakayalo. …
Ke sa muataki me vakamalumalumutaki na lomamu ena nomu vakabauti Jisu Karisito mai na mana ni Nona Veisorovaki, o na rawa ni vakila vakalevu cake na vosamalua ni Yalotabu me isau ni nomu masu. …
Ni sa na muataki keda na noda vakabauti Jisu Karisito meda taroga na isaunitaro vua na Tamada, na vakabauta oya ena kauta talega mai na veisobuti malumu ni iVakabula me da rogoca kina na Nona veidusimaki ka vakarau ka maqusa tu meda talairawarawa. …
Sa noqu ivakadinadina ni vatu eda duri tu kina e sa noda vakadinadina ni o Jisu na Karisito; ni oqo na Nona Lotu, ka sa liutaka sara tikoga o Koya; ka sa Nona parofita bula tiko nikua o Peresitedi Russell M. Nelson.
Sa noqu masu ni sa tautauvata vakaoqo na nomu vakadinadina.