“Na iYau Levu Duadua,” Me iSakisaki ni iTabagone, Nove. 2022.
Soqoni ena Mataka ni Vakarauwai
Na iYau Levu Duadua
Veitikina lavetaki
Ni sa yavutaki na noda bula ena loloma ni Kalou, na noda veiwekani vakai keda ka sa yaco vakabibi na itovo ni yaloda ki na kawa tamata kecega, na rai makawa, na nodra raici vakatani na tamata, kei na veisei vakatamata ena seavu yani, ka vakalevutaki cake na vakacegu. …
Io, eda veitalanoataka tiko oqo na imatai ni vunau levu ka soli ki na matavuvale ni kawatamata—me lomana na Kalou e lomada taucoko, sega ni vakaiyalayala se vakatikina, o ya, ena yaloda taucoko, igu, vakasama, kei na kaukauwa. Na lomana na Kalou sa imatai ni ivunau levu duadua ena vuravura. Ia na imatai ni dina levu ena vuravura sai koya ni Kalou e lomani keda ena sala vata oya—e lomana taucoko, sega ni vakaiyalayala se vakatikina, ena Yalona taucoko, igu, vakasama kei na kaukauwa. Kei na gauna erau sota vata kina na kaukauwa vakaturaga ni Yalona kei na yaloda e sega ni tarovi, ena basika dina na kaukauwa vakayalo ni bula savasava. …
Ena qai tarava mai, ena gauna duadua ga oqori, me rawa kina vei keda meda muria vakavinaka na ikarua ni i vunau levu ena sala e sega ni vaakatamata se beci. Kevaka eda lomana cake na Kalou ka rawa meda tovolea me yalodina taucoko vei Koya, o Koya ena solia vei keda na igu, kaukauwa, na yalo kei na sala meda lomani ira eda tu veivolekati ka vakakina vei keda sara mada ga. Ena rairai sa na qai rawa meda kaya tale, “Sa dina sara ni sa sega beka ni dua na matatamata mamarau cake ena kedra maliwa na tamata kecega sa bulia na liga ni Kalou.”[4 Nifai 1:16].