“Lav mo Sore blong Sevya we I Stastap mo I Strong,” Blong Ol Yut Oli Kam Strong, Nov 2021.
Satedei Moning Sesen
Lav mo Sore blong Sevya we I Stastap mo I Strong
Samfala Pat
Wan long ol strong prinsipol, we i tajem tingting blong man, we Sevya i tijim long taem blong seves blong Hem long wol ia, i bin hamas i impoten blong tritim ol narawan wetem lav mo sore. …
Semmak olsem plante nara samting we oli bin hapen long seves blong Jisas long wol ia, stori ia i soemaot wan moa taem se Sevya i bin mekem samting wetem lav mo sore we i go long evriwan we bae oli go long Hem—evriwan i semmak—mo speseli nao olgeta we oli nidim help blong Hem moa. …
… Fasin blong soemaot lav mo sore long ol narawan, i tru, i stamba blong gospel blong Jisas Kraes, mo i wan pruf we i makem hamas yumi stap kolosap long Sevya long saed blong spirit mo filing. …
…Semmak olsem… oli lukaotem kamfot, lukluk, blong pat blong wan grup, mo eni help we yumi save givim long olgeta. Yumi evriwan i save stap ol tul long han blong Lod mo tekem aksen wetem lav mo sore, blong helpem olgeta long nid, semmak olsem Jisas i bin mekem. …
… Yumi neva mas jajem nogud mo strong, ol nara man mo woman, from se, yumi evriwan i nidim blong Papa long Heven i andastanem yumi, mo gat sore from yumi no stret evriwan. …
Ol dia fren blong mi. Mi testifae se, taem yumi traehad blong putum, insaed long laef blong yumi, eksampol blong lav mo sore blong Sevya, paoa ia blong luksave mo talem ol klin fasin blong ol neba blong yumi bae i kam antap, mo fasin blong stap jajem ol samting we i no stret long olgeta bae i go daon. Fasin blong joen wetem God bae i gro, mo yes, laef blong yumi bae i kam swit moa, filing bae i moa kaen, mo bae yumi faenem wan ples blong stap hapi we bae i no gat en. Bae oli save yumi olsem ol man blong mekem pis,we toktok blong yumi i kaen olsem smol ren blong wan spring moning.