“Lav blong God,” Blong Ol Yut Oli Kam Strong, Nov 2021.
Satedei Moning Sesen
Lav blong God
Samfala Pat
Papa blong yumi long Heven i lavem yumi bigwan mo long wan fasin we i stret evriwan. …
Jisas Kraes i serem wetem Papa semfala stret lav ia. …
Lav blong heven ia i blong givim yumi plante kamfot mo tras taem yumi stap prea long Papa long nem blong Kraes. …
… Sam, plante taem oli talem: “Sevya i lavem mi olsem we mi stap,” mo hemia i tru. Be Hem i no save tekem eniwan long yumi i go insaed long kingdom blong Hem from huia yumi, “from se i no gat eni samting we i no klin we i save stap ia, o stap long ples we hem i stap long hem.” [Moses 6:57]. …
… Afta we Hem i talemaot klia se Hem i no save akseptem eskius o sarem ae smol long sin, Lod i talem gud long yumi:
“Be, hem we i sakem sin mo i obei ol komanmen blong Lod, hem Lod bae i fogivim.” [Doktrin mo Ol Kavena1:32]. …
… Relijin blong yumi, i no wan relijin blong eskius, mo i no wan relijin blong stap stret evriwan, be i wan relijin blong fasin blong pemaot man—blong yumi kam fri tru long Jisas Kraes. …
Mi bin sapraes, mo tu, mi bin filim bigfala lav blong ol profet blong God insaed long ol woning blong olgeta agensem sin. Ol woning ia oli no kam from oli wantem panisim man. Tru tingting blong hat blong olgeta i soemaot lav blong God; i tru, hem i lav blong God. …
Taem yumi luksave se God i lavem yumi long wan stret wei, wanwan i save askem: “?Mi lavem God long stret fasin o no?” ?Hem i save dipen long lav blong mi semmak olsem we mi dipen long lav blong Hem?” …
Mi mi witnes se Papa long Heven mo Ridima blong yumi, Jisas Kraes, oli ril, mo Tufala i gat lav we i stap oltaem mo i no go ded.