“Ena Kaukauwa ni Kalou ena Lagilagi Cecere,” Me iSakisaki ni iTabagone, Nove. 2022.
Soqoni ena Yakavi ni Vakarauwai
Ena Kaukauwa ni Kalou ena Lagilagi Cecere (1 Nifai 14:14)
Veitikina lavetaki
Na veiyalayalati, e vakacurumi ena cakacaka vakalotu vakadonui ni matabete, e rawa ni vauci keda vua na Turaga o Jisu Karisito ka sa usutu bibi ni cakacaka ni veivakabulai kei na bula vakacerecerei ena yasa ruarua ni ilati.
Na cakacaka ni kaulotu na valetabu na tuvakawa sa ituvaki cokonaki ka isema ni dua na cakacaka levu e vakanamata ki na veiyalayalati tabu kei na cakacaka vakalotu me rawa ni da ciqoma na kaukauwa ni bula vakalou ena noda bula, ka yaco, meda lesu ki na iserau nei Tamada Vakalomalagi. …
Eda sa taqara na ivua ni iVakabula vei keda ni da vulica, ciqoma ena bula kilikili kaya, ka doka na veiyalayalati kei na cakacaka tabu vakalotu. Eda vauci taqomaki tu vua vata kei na iVakabula ni da nanuma ena yalodina ka cakava noda vinaka taucoko vata kei na noda itavi eda sa ciqoma. Na vauci vata kei Koya o ya sa ivurevure ni kaukauwa vakayalo ena veidraki yadua ni noda bula. …
Na veiyalayalati yalataki kei na kalougata ena rawati ga baleta dudua ga na noda iVakabula, o Jisu Karisito. Sa sureti keda meda rai yani Vua, lako mai Vua, vuli mai Vua, ka vauci keda ki Vua ena veiyalayalati kei na cakacaka vakalotu ni Nona kosipeli vakalesuimai. Au vakadinata ka yalataka na dokai ni veiyalayalati ena vakaiyaragitaki keda ena ivalavala dodonu ena kaukauwa ni Kalou ena lagilagi cecere. Kau sa vakadinata ni Turaga o Jisu Karisito sa bula tiko sa noda iVakabula.