“Ang Gugma sa Dios: Ang Labing Hingpit nga Kalipay sa Kalag,” Alang sa Kalig-on sa mga Kabatan-onan, Nob. 2022.
Sabado sa Hapon nga Sesyon
Ang Gugma sa Dios: Ang Labing Hingpit nga Kalipay sa Kalag
Mga Kinutlo
Atong mahulagway ang gugma sa Dios isip ang kahayag nga nagagikan sa kahoy sa kinabuhi, makatag sa tibuok kalib[o]tan diha sa mga kasingkasing sa mga anak sa katawhan. Ang kahayag ug gugma sa Dios motuhop sa Iyang tanan nga nilalang.
Usahay sayop kitang maghunahuna nga mabati lamang nato ang gugma sa Dios human kita misubay sa gunitanan nga puthaw ug miambit sa bunga. Hinoon, ang gugma sa Dios, dili lamang madawat niadtong kinsa moduol ngadto sa kahoy apan mao gayod ang gahom nga modasig nato sa pagpangita niana nga kahoy. …
Ang gugma sa Dios dili makita sa mga sirkumstansiya sa atong kinabuhi apan sa Iyang presensya sa atong kinabuhi. Makahibalo kita sa Iyang gugma kon kita makadawat sa kalig-on nga lapas sa atong kalig-on ug kon ang Iyang Espiritu magdala og kalinaw, kahupayan, ug direksyon. Usahay mahimong malisod nga mobati sa Iyang gugma. Makaampo kita aron mabuka ang atong mga mata nga makakita sa Iyang kamot sa atong kinabuhi ug makakita sa Iyang gugma diha sa katahom sa Iyang mga gilalang.
Samtang kita mamalandong sa kinabuhi sa Manluluwas ug sa Iyang walay kinutoban nga sakripisyo, kita makasugod sa pagsabot sa Iyang gugma alang kanato. …
Ako mopamatuod nga ang atong Ginoo ug Manluluwas nagpakamatay gayod alang sa matag usa kanato. Usa kadto ka pagpahayag sa Iyang walay kinutoban nga gugma alang nato ug alang sa Iyang Amahan. …
Hinaot nga atong ablihan ang atong mga kasingkasing sa pagdawat sa putli nga gugma sa Dios alang kanato ug dayon ipakita ang Iyang gugma sa tanan natong buhaton.