“Ang mga Butang sa Akong Kalag,” Alang sa Kalig-on sa mga Kabatan-onan, Nob. 2021.
Sabado sa Hapon nga Sesyon
Ang mga Butang sa Akong Kalag
Mga Kinutlo
Ang kabatan-onan kasagaran mangutana kanako kon unsa ang akong gituohan ug nganong mituo ako. …
Mahimo ba akong mopaambit kaninyo sa pipila sa mga butang sa akong kalag? Kini nga mga butang magamit sa tanan nga nagtinguha nga mahimong tinuod nga mga disipulo ni Jesukristo. …
Una, higugmaa ang Dios nga Amahan ug si Jesukristo, atong Manluluwas. …
Ikaduha, “Higugmaa ang imong isigkatawo [Mateo 22:39].
Ikatulo, higugmaa ang inyong kaugalingon.
Daghan ang naglisod dinhing dapita. Dili ba makapainteres nga ang paghigugma sa atong kaugalingon ingon og mas lisod kay sa paghigugma sa uban? Apan ang Ginoo miingon, “Higugmaa ang imong isigkatawo sama sa imong kaugalingon” [Mateo 22:39]. Iyang gihatagan og bili ang pagkadios sa sulod kanato, ug mao nga kinahanglan kita usab. Kon kita nabug-atan sa mga kasaypanan, mga kasakit, mga pagbati sa kakulang, kasagmuyo, kasuko, o sala, ang gahom sa Pag-ula sa Manluluwas, pinaagi sa balaanon nga plano, mao ang usa sa mga butang nga makapabayaw sa kalag.
Ikaupat, tumana ang mga sugo. …
Ikalima, kanunay nga mahimong takos nga motambong sa templo. …
Ikaunom, mamahimong malipayon ug masadyaon. …
Ikapito, sunda ang buhi nga propeta sa Dios.
Tingali ikapito kini sa akong lista sa mga butang, apan nagtuo ako nga kini mao ang akong labing importante nga punto karon.
Kita adunay buhi nga propeta sa Dios dinhi sa yuta karon! Ayaw gayod ibaliwala kon unsay gipasabot niana alang kaninyo. …
… Gidapit ko kamo sa pagtino sa inyong kaugalingon nga walo, siyam, ug napulo. Ikonsiderar ang mga paagi nga mahimo ninyong ipaambit ang inyong kinasingkasing nga “mga butang” sa uban ug awhaga sila nga mag-ampo, mamalandong, ug magtinguha sa giya sa Ginoo.