“Ako Nag-ampo nga Siya Mogamit Kanato,” Alang sa Kalig-on sa mga Kabatan-onan, Nob. 2021.
Sabado sa Gabii nga Sesyon
Ako Nag-ampo nga Siya Mogamit Kanato
Mga Kinutlo
Ang Simbahan ni Jesukristo ubos sa balaanong sugo sa pag-atiman sa mga kabos. Kini usa sa mga haligi sa buhat sa kaluwasan ug kahimayaan. …
Ang Simbahan mitubag niini nga sugo sa daghang lain-laing paagi, lakip na:
-
ang pagpangalagad nga atong gibuhat pinaagi sa Relief Society, mga korum sa pagkapari, ug mga klase;
-
pagpuasa ug ang paggamit sa mga halad sa puasa;
-
mga uma alang sa kaayohan ug mga tipiganan sa pagkaon;
-
tigdawat nga mga sentro alang sa mga langyaw;
-
outreach alang sa mga naa sa prisohan;
-
Makatawhanong mga paningkamot sa Simbahan;
-
ug ang JustServe nga app, diin kini anaa, nga mopahiangay sa mga nagboluntaryo ngadto sa mga oportunidad sa pagserbisyo.
… Samtang ang labaw sa 1,500 ka COVID-19 nga mga proyekto ang sigurado nga maoy labaw nga gitutokan sa tabang sa Simbahan sa milabay nga 18 ka bulan, ang Simbahan usab misanong sa 933 ka natural nga mga katalagman ug krisis sa mga bakwit diha sa 108 ka nasod. …
Kon hisgotan ang makatawhanong mga paningkamot sa Simbahan, si Elder Jeffrey R. Holland sa makausa miingon: “Ang mga pag-ampo tubagon … kadaghanan sa matag higayon … sa Dios nga mogamit sa ubang tawo. Nan, ako mag-ampo nga Siya mogamit kanato” [“Neonatal Resuscitation with Elder Holland” (video), Ang Simbahan ni Jesukristo sa mga Santos sa Ulahing mga Adlaw, Nob. 10, 2011, youtube.com.]. …
Mga kaigsoonan, pinaagi sa inyong pagpangalagad, mga donasyon, panahon, ug gugma,kamo nahimong tubag sa daghan kaayong mga pag-ampo. Ug anaa pa gayoy daghan pa nga buhatonon. Isip nabunyagan nga mga miyembro sa Simbahan, kita ubos sa pakigsaad nga moamuma niadtong mga nanginahanglan. Ang atong indibidwal nga mga pagpaningkamot wala gayod nagkinahanglan og kwarta o layo nga mga dapit; kini nagkinahanglan sa giya sa Balaang Espiritu ug usa ka andam nga kasingkasing nga moingon ngadto sa Ginoo, “Ania ako, ipadala ako”[Isaias 6:8].