“Na Vakacegu i Karisito e Mudukatani na Veicacati,” Me iSakisaki ni iTabagone, Nove. 2022.
Soqoni ena Mataka ni Sigatabu
Na Vakacegu i Karisito e Mudukatani na Veicacati
Veitikina lavetaki
Sa vakamacalataka o Jisu Karisito ni sa sega ni Nona ivunau “me vakayavalati na yalodra na tamata me ra veicudruvi vakaira; ia [sa Nona] ivakavuvuli me muduki tani sara na veika vakaoqo.” [3 Nifai 11:28-30]. …
Ni oti na veisiko ni iVakabula ki Amerika, era a duavata sara na tamata. … Na nodra duidui sa seavu ni vakatauvatani kina nodra loloma veiwasei ni iVakabula, ka ra sa duavata me “nodra na matanitu ni Kalou.” [4 Nifai 1:17]. Na kena itinitini oya ni “sa sega beka ni dua na matatamata mamarau cake … sa bulia na liga ni Kalou.” [4 Nifai 1:16].
Na duavata e gadrevi me sasagataki. Sa taraicake ni da vakabulabulataka na loloma ni Kalou ki lomada ka da vakanamata kina noda icavacava tawamudu. Eda sa duavata ena noda ivakatakilakila tudei taumada vaka luve ni Kalou kei na noda tutaka na dina ni kosipeli vakalesuimai. Noda lomana na Kalou kei na noda bula vakatisaipeli i Jisu Karisito sa vakavureya na kauwai dina ki na so tale na tamata. …
Ni sa solega na noda bula na loloma i Karisito, eda na walia yani na duidui eso ena yalomalua, vosota, kei na yalovinaka. E lailai na noda lomaleqataka na veika meda qarauni keda kina ka levu cake me baleti ira na wekada. Eda qara meda tautauvata ka duavata. Eda sega ni vakaitavi ena “veiba vakatani,” lewai ira eda sega ni duavata kaya, se saga mera sikalutu. Ia, eda nanuma ni o ira eda sega ni duavata era na cakava na veika kece me vinaka kina na nodra bula. …
Au sa sureta me na vakabibitaki na noda lomana na Kalou kei na bula vakatisaipeli ni iVakabula mai na ka tale eso. Me da taura matua na veiyalayalati sa dei tu ena noda bula vakatisaipeli—na veiyalayalati meda duavata.