“Gat Tras Bakegen,” Blong Ol Yut Oli Kam Strong Nov 2021.
Sandei Aftenun Sesen
Gat Tras Bakegen
Samfala Pat
Tu Pikinini we i lus,, i kam long Jorge Cocco
?Yu yu filim se yu stap ronwe kwaet long haos? Plante taem, blong ronwe long haos i minim se wan i brekem tras—tras long yumiwan, wetem wanwan long yumi, wetem God. Taem tras i gat jalenj, yumi askem yumiwan bakegen hao blong gat tras bakegen.
Mesej blong mi tedei, i nomata se yu stap kambak hom o yu stap ronwe long hom, God i stap kam blong mitim yu. Tru long Hem, yu save faenem fet, strong paoa long tingting, waes tingting mo fasin blong luksave samting, blong save gat tras bakegen. Semmak, Hem i askem yumi blong kipim laet i saen long wanwan long yumi, blong yumi fogiv moa, mo no jajem yumiwan o narawan tumas, blong mekem se Jos blong Hem i save stap olsem wan ples we yumi filim se hem i hom, nomata se yumi stap kam blong fas taem, o stap kambak bakegen.
Tras, hem i wan aksen blong fet. …
Yumi save se, glad ia long kavenan rod blong Lod, mo ol koling blong wok insaed long Jos, oli wan invitesen blong filim tras mo lav we God i gat long yumi wanwan. …
Tras i kam wan ril samting taem yumi mekem ol had samting wetem fet. Seves mo sakrifaes i mekem yumi gat moa paoa mo i smutum ol hat. …
Nomata se situesen blong wanwan i blong yumiwan, ol prinsipol blong gospel, mo Tabu Spirit oli save helpem yumi blong save, sapos mo hao, mo wetaem blong trastem ol narawan bakegen. …
Gat tras long God mo ol merikel blong Hem. Yumi, mo ol rilesensip blong yumi oli save jenis. …
Ol wokbaot blong laef i blong wanwan, be yumi save gobak bakegen long God, we i Papa blong yumi, mo long Pikinini blong Hem we Hem i Lavem, tru long tras long God, long wanwan long yumi, mo long yumiwan.