“Salig Pag-usab,” Alang sa Kalig-on sa mga Kabatan-onan, Nob. 2021.
Dominggo sa Hapon nga Sesyon
Salig Pag-usab
Mga Kinutlo
Two Prodigal Sons [Duha ka Anak nga Nawala], ni Jorge Cocco
Gibati ba ninyo sukad nga kamo gustong molayas gikan sa panimalay? Kasagaran, ang paglayas gikan sa panimalay nagpasabot nga ang pagsalig naguba o nawala––pagsalig sa atong kaugalingon, sa usag usa, sa Dios. Kon ang pagsalig mahagit, maghunahuna kita kon unsaon pagsalig pag-usab.
Ang akong mensahe karong adlawa mao, kon kita mopauli sa panimalay o mopadulong sa panimalay, ang Dios moabot sa pagsugat kanato. Diha Kaniya atong makaplagan ang hugot nga pagtuo ug kaisog, kaalam ug pagsabot, sa pagsalig pag-usab. Maingon man, naghangyo Siya kanato nga ipadayon ang kahayag alang sa usag usa, mas mapasayloon ug dili kaayo mahukmanon sa atong mga kaugalingon ug sa usag usa, aron ang Iyang Simbahan mahimong usa ka dapit diin kita mobati nga anaa sa panimalay, kon kita mobalik sa unang higayon o mopauli man.
Ang pagsalig usa ka buhat sa hugot nga pagtuo. …
Nasayod kita sa hingpit nga kalipay diha sa dalan sa pakigsaad sa Ginoo ug sa mga calling sa pagserbisyo diha sa Iyang Simbahan mga pagdapit aron mabati ang pagsalig ug paghigugma sa Dios alang kanato ug sa usag usa. …
Ang pagsalig mahimong tinuod kon kita mobuhat og malisod nga mga butang uban ang hugot nga pagtuo. Ang serbisyo ug sakripisyo nagdugang sa kapasidad ug nagpahumok sa mga kasingkasing. …
Samtang ang atong indibidwal nga mga kahimtang mga personal, ang mga baruganan sa ebanghelyo ug ang Espiritu Santo makatabang kanato nga masayod kon, unsaon, ug kanus-a mosalig pag-usab sa uban. …
Salig sa Dios ug sa Iyang mga milagro. Kita ug ang atong mga relasyon mahimong mausab. …
Ang atong mga panaw sa kinabuhi tinagsa, apan kita makabalik ngadto sa Dios nga atong Amahan ug sa Iyang Pinalanggang Anak pinaagi sa pagsalig diha sa Dios, sa usag usa, ug sa atong mga kaugalingon.