“Vakanuinui Tale,” Me iSakisaki ni iTabagone, Nove. 2022.
Soqoni ena Yakavi ni Sigatabu
Vakanuinui Tale
Veitikina lavetaki
Rua na Gone Cidroi, mai vei Jorge Cocco
O sa bau vakila beka ni ko sa dro tani tiko mai vale? Wasoma, na dro mai vale e tukuna na vakanuinui sa tasere se cavuka—na nuitaki keda tiko, vakai keda yadua, kei na Kalou. Ni sa bolei na vakanuinui, eda taroga meda vakanuinui tale vakacava.
Na noqu itukutuku nikua, eda sa lako tiko mai vale se lako tiko yani i vale, na Kalou ena tavaki keda. Ki Vua eda na kunea na vakabauta kei na qaqa, vuku kei na kila meda vakanuinui tale. Vakakina, sa kerei keda meda veivakararamataki tiko vakai keda, meda veivosoti vakalevu me lailai noda vakalewai keda ka vakai keda, me yaco Nona Lotu me vanua e vakilai ni sa noda vale, se isevu ni noda yaco mai se lesu tale.
Na vakanuinui sa cakacaka ni vakabauta. …
Eda kila na reki ena sala veiyalayalati ni Turaga, kei na kaci ni veiqaravi ena Nona Lotu sa veisureti me vakilai na nuinui ni Kalou kei na nona loloma vei keda ka vakai keda yadua. …
Na vakanuinui sa ka dina ni da cakava na ka dredre ena vakabauta. Na veiqaravi kei na solibula e vakalevutaka na igu ka savata na yalo. …
Me vaka ni veika eda dui sotava sa noda ga, na ivakavuvuli ni kosipeli kei na Yalo Tabu ena veivuke meda kila, na sala kei na gauna ni veinuitaki tale vakaikeda. …
Nuitaka na Kalou kei na Nona cakamana. O keda kei na noda veimaliwai e dau veisau. …
Noda ilakolako ni bula sa dui noda, ia sa rawa meda lesu vua na Kalou na Tamada kei na Luvena Lomani ni da nuitaka na Kalou, vakaikeda, kei keda.