“Ena Sega ni Rawa ni Veivosakitaki Tale Na Yaca ni Lotu,” Me iSakisaki ni iTabagone, Nove. 2022.
Soqoni ena Yakavi ni Sigatabu
Ena Sega ni Rawa ni Veivosakitaki Tale na Yaca ni Lotu
Veitikina lavetaki
Ena dua na koniferedi ni dauvola itukutuku ena ika16 ni Okosita, 2018, a kaya kina o Peresitedi Russell M. Nelson: “A uqeta noqu vakasama na Turaga ena bibi ni yaca sa vakatakila o Koya me baleta Nona Lotu, io na Lotu i Jisu Karisito ni Yalododonu Edaidai. [“The Name of the Church,” Aug. 16, 2018, newsroom.ChurchofJesusChrist.org]. …
E tubu mai e dua na taro vinaka: Qai cava qo ni sa vuqa na yabaki eda sa karona tu mai kina na yaca buli na “Momani”? “Na Mormon Tabernacle Choir,” na vidio “I’m a Mormon,” na sere ni Lalai na “I Am a Mormon Boy”?
Na ivunau i Karisito e sega ni veiveisau ka tawamudu. Ia, na ikalawa yadudua ka bibi ni cakacaka bibi ni iVakabula e dau vakaraitaki ena kena gauna e ganita. …
Vinaka vakalevu na nomuni sasaga cecere me tutaki ki liu na yaca dina ni Lotu.
Na Turaga a vakalevutaka na noda sasaga me veisau na yaca ka a dau vakabiri balavu tu mai ki na Lotu. …
Era sa udolu vaka udolu na Yalododonu Edaidai era sa kaburaka ena yaloqaqa na yaca ni Lotu. Ni da kitaka na noda itavi, era na muri keda na tamata. …
“Ena sega ni rawa ni veivosakitaki tale na yaca ni Lotu.” Meda toso ki liu ena vakabauta. Ni da vakamuria ena lomasoli na ivakaro ni Turaga, me vaka sa vakaraitaka na Nona parofita bula, vakabibi kevaka e sega ni tautauvata kei na noda vakasama taumada, ena gadrevi kina na yalomalumalumu kei na solibula, ena vakalougatataki keda na Turaga ena kaukauwa levu cake ka na vakatala mai na Nona agilosi me tokoni keda ka tu raviti keda. Eda na ciqoma na veivakadeitaki ni Turaga kei na Nona veivakadonui.