Kareel An Juon M̧ōtta

Jān Jolie Hatch

Iiō in jodikdik ko aō raar eppen, bōtaab Anij ekar jilkintok juon m̧ōtta ekāāl n̄an jipan̄ eō kake.

Kōmeļeļe ko jān Judy Bloomfield

Ikar aolep iien en̄jake aō lukkuun makeļo̧k ilo laļ in. Ro jinō im jema raar jepel ke ikar juon nin̄nin̄, innām jejjo iiō ko tokālik jinō ekar bar m̧are im kōm kar em̧m̧akūt 4,000 m̧aiļ ko, jān Georgia, USA, n̄an Oregon, USA. Ekar juon oktak eļap n̄an juon leddik ruwatimjuon an iiō n̄an kōm̧adm̧ōde, eļaptata juon eo kōn southern accent me ekar jab lukkuun bōk jān ajri ro jet.

Ke ikar walōn̄ļo̧k n̄an middle school, ekwe, ikar ioon Nicole.^* Ilo iien eo wōt, ikar en̄jake juon en̄jake em̧m̧an, aenōm̧m̧an em̧m̧an kōn e—juon men eo ekar ejjeļo̧k ippa. Ikar jeļā ij aikuj in m̧ōttā ippān leddik in!

Ke kōm kar aititele doon, Nicole ekar erom juon jikin kōjparok ettoļo̧k jān ajimakeke eo aō. Deļo̧n̄ļo̧k ilowaan m̧weo im̧ōn ekar āinwōt deļo̧n̄ļo̧k n̄an lowaan juon mour eo elukkuun oktak: Jetōb eo an Anij ekar kobrak aolep kona ko. Ekar wōr pija ko pijin Rilo̧mo̧o̧r eo im m̧ōko rekkilep aolep jikin. (Tokālik ikar ekkatak men kein ke raar tampeļ ko). Jerbal in mijenede eo an Nicole ekar jino jān baj karuwaineneik eō ļo̧k, im liin ekar jab ilo m̧ool jeļā kake.

M̧ōttāik im Tōmak

Nicole ekar jerbal in karejar ilo an baj m̧ōttaik eō. Liin ekar letok n̄an eō Bok in Mormon, im kōm kar jino riiti ippān doon ilo wa eo waan ālkin jikuuļ.

Bok in Mormon ekar jino kobrak ijōko ejjeļo̧k ilo mour eo aō. Bōtaab ikar wōt en̄jake ajimakeke. Ikar jab juon membōr in kabun̄ eo an Nicole, bōtaab ikar barāinwōt jab lukkun in m̧ōttan kabun̄ eo an ro jinō im jema, barāinwōt.

Nicole ekar im̧we eō n̄an jar im kajjitōk ippān Anij eļan̄n̄e Bok in Mormon ej m̧ool. Ijjan̄in kar jar n̄an jidik ilo kwaļo̧k ainikiō, kōn menin ekar ejjeļo̧k aō jeļā ta eo ikar aikuj in ba. Bōtaab ikar diwōjļo̧k im jino kōnono. Ikar kajjitōk ippān Anij eļan̄n̄e kabun̄ eo an Nicole ekar kabun̄ eo ejim̧we n̄an eō barāinwōt. Ilo iien eo wōt ālkin aō kar kam̧ōj kajjitōk eo aō, ikar en̄jake an m̧ōļo aolepān ānbwinū. Ikar jeļā, ilo juon jekjek ilo ejjeļo̧k pere, bwe Bok in Mormon ej m̧ool im Kabun̄ in ekar jim̧we n̄an n̄a.

Ikar 15 ke ikar bōk kam̧ool in. Ium̧win jejjo iiō ko tok ikar tōmak, men̄e ro jinō im jema raar jab itok limoier ilo Kabun̄ in. Bōtaab ikar jab make iaaō ilo kabun̄ eo aō, kōnke Nicole ekar pād wōt ijo n̄an rejtake eō.

Kabun̄ eo Ekāāļ, Kajjitōk ko Rekāāl

Ālkin aō kar kadiwōjļo̧k jān high school, ikar em̧m̧akūtļo̧k n̄an Utah, USA. Nicole ekar pād ijōņ kadede, im liin ekar kijoroor ilo an kōttar aō tōparļo̧k ijōņ bwe in maron̄ jino bōk katak ko an mijenede. Ekar wōr juon aō karōk n̄an kar peptaij ilo raan in ļoktak eo aō kein 19th—jiljino wiik jān iien eo—im Nicole ekar kam̧ool n̄an n̄a enaaj kar pād ijo ippa ilo aolep iien eo.

Ke mijenede ro raar jino katakin eō, ejjab to ikar kile ewi jon̄an an dik aō lukkuun jeļā kōn Kabun̄ in. Ikar riiti im iakwe Bok in Mormon, bōtaab ejjab to raar jiron̄ eō kōn menin letok eo an Jetōb Kwojarjar, karōk in lo̧mo̧o̧r, eromļo̧k āinwōt Anij, im ekanooj lōn̄ men ko jet rekāāl. Liin ekar en̄jake etōrjān jon̄an kōn elōn̄ men rekāāl ekar ekkatak.

Bōtaab Nicole ekar kanooj jeļā kōn n̄a. Liin ekōn jipan̄ eō kōmeļeļeik ta eo elder ro raar katakin ilo juon wāween ekar jeļā in kar meļeļe. Ilo katak ko im̧aan tata, kōmeļeļe ko an ilo kijenmej raar un in aō kar pād wōt.

Āliktata Uwaan

Nicole ekar ilo jetōb rejtake eō āinwōt in m̧ae iien raan eo ikar peptaij—im ālkin. Liin ekar jipan̄ ro uwaan ward eo im mijenede ro karōk bwe in maron̄ kar peptaij ilo raan in ļotak eo aō kein 19th. Ke ikar waļo̧ktok jān dān eo im lo an būjin armej rej kalimjōk eō, ikar jab en̄jake aō ajimakeke n̄an jidik. Ijjamin naaj meļo̧kļo̧k en̄jake eo āliktata aō n̄an Irooj im uwaan Kabun̄ eo An.

Ij ekkatak wōt jān tōmak eo im jemjerā eo an Nicole ejjab oktak. Liin ekar kwaļo̧k n̄an n̄a jān jinoin bwe jerbal in mijenede ejjab aikuji juon name tag. Jerbal in mijenede eo an Nicole ekar ijjino ilo būruōn, ke liin ekar pukōtļo̧k juon leddik jān iturōk ko (southern) eo ekar aikuji juon n̄an ettōn̄ n̄an e.

Rijeje eo ej jokwe ilo Utah, USA.

• Etan em̧ōj an oktak.