Unin Tōl eo im N̄ā

Jodikdik ro rej kwaļo̧k ekōjkan aer mour kōn naan ko an Unin Tōl ko an Doulul eo an Jiron̄ ro im Priesthood eo an Aron

Ijeļā Aorōk Eo Aō

“Ij juon leddik nejin jitōnbōro an jemed im jined ilan̄.

Jān Jihan Johnson

Pija jān Christina Smith

Ilo elōn̄ m̧ōttan ko ilo Jamaica, rijikuuļ ro āinwōt n̄a aikuj in bōk juon teej n̄an an deļo̧n̄e high school eo rej kōņaan. Ro m̧ōtta im n̄a kar buuļ ekkatak bwe kōmin maron̄ kar aolep deļo̧n̄e high school eo em̧m̧an tata. Ke ikar jino in pere bwe ijjab maron̄ kar kōm̧mane, jinō ekar aolep iien kōketak eō. Liin ekar kakeememej eō bwe ij juon ajri nejin Jemedwōj Ilan̄ im bwe E enaaj jipan̄ eō etal ilo iaļ eo ejim̧we.

Ke tōprak ko an teej eo aō raar ro̧o̧ltok, ikar bōk kūreet eo eutiej tata imaron̄ kar bōke! Ikar lukkuun in m̧ōņōņō kōnke ekar meļeļe in imaron̄ kar pād ippān ro m̧ōtta!

Bōtaab ejjab to ikar jeļā bwe juon iaan ro m̧ōtta ekar jab bwe jikoor eo an. Kōm kar aolep kanooj būrom̧ōj bwe liin ekar jab itok ippām. Bōtaab ikar lo lan̄lōn̄ eo ilo keememej ta eo jinō ekar katakin eō. Eo m̧ōtta ekar barāinwōt juon leddik em̧m̧an nejin Jemedwōj Ilan̄, im E enaaj kar jipan̄ e barāinwōt, jekdo̧o̧n ta jikoor in teej eo an.

Lem̧ōņōņō eo aō ekar makunļo̧k ke eo m̧ōtta ekar jino ba n̄an aolep bwe ijjab aikuj in kar deļo̧n̄e high school jab eo—bwe liin ej aikuj in deļo̧n̄e ijello̧kin e. Elōn̄ wōt iaan ro m̧ōtta raar errā ippān im kar bōjrak aer aetōl eō. Ikar jino pere eō make. Ekar ke n̄a eo ij aikuj in kar deļo̧n̄e?

Ikar ļōmņak likļo̧k n̄an ta eo jinō ekar katakin eō: bwe ij juon ajri ejej uwaan ilo kōļmenļo̧kjeņ eo an Jemedwōj Ilan̄.

Ij kiiō pād ilo jikuuļ eo ekāāl, im ikar kōm̧m̧an m̧ōtta kāāl. Raar rejtake eō im kakeememej eō kōn aorōk eo aō. Ikar ekkatak bwe jekdo̧o̧n ta eo armej ro jet rej ba kōn n̄a. Ij m̧ōņōņō n̄e ij kajjieon̄ in erom wōn eo Anij ej kōņaan bwe in erom—kōnke ej wōn eo ij kōņaan erom.

Rijeje eo ej jokwe ilo Jamaica.