“Lōke ilo Irooj,” N̄an Kōkajoorļo̧k Jodikdik ro, Jān. 2022.
Lōke ilo Irooj
Anij ej kajjitōk ippāmi n̄an lōke ilo E ilo aolep men ko.
Jet iien n̄e men ko reppen rej waļo̧k, jej ļōmņak eļan̄n̄e jemaron̄ lōke jabdewōt. Jej mijka E emaron̄ inepata ippād barāinwōt. Naan eo em̧m̧an ej bwe Anij ej iakwe kōj eweppān. E ejouj im tenkwadik im m̧ool. E ejjab oktak im maron̄ pedped ioon.
Im kōnke kōn men in, jemaron̄ lōke ilo E jekdo̧o̧n ta. Unin Tōl eo an jodikdik iiō in ej “Lōke Jeova” (Jabōn Kōnnaan Ko 3:5–6).
Erkein rej jet waanjon̄ak ko kōn ekōjkan an kajjojo iaad ilo Doulul eo an Jiron̄ ro im im Doulul an Likao ro itok n̄an lōke ilo Irooj.
Michelle D. Craig
Bonnie H. Cordon
Rebecca Craven
Lōke Anij ej Un eo
Jet wōt raan ko m̧okta jān aō kar tōpar 16, baam̧le eo aō ekar em̧m̧akūt kijoon jikin ko. Ikar ļōmņak ekar juon iien eo enana! Reilikļo̧k, emaron̄ in alikkar aō lo bwe jet iaan kōjeraam̧m̧an ko reļļap tata n̄an baam̧le eo am im n̄an n̄a eļap tata kar itok kōnke kōn un eo ke ikar juon jodikdik. Jemaron̄ jab meļeļe iien eo an Irooj ilo iien eo, bōtaab lōke ilo E kōnke jemaron̄ lōke Būruōn im un ko.
Michelle D. Craig
Lōke Iien eo an Irooj
Kōnke kūr eo an jema āinwōt juon mijen būreejtōn, ikar bōk kūr eo aō make n̄an jerbale juon mijen em̧m̧ōkaj jān iiō eo jeļā kake n̄an mijenede sister ro. Bwe ekar meļeļe in inaaj kar aikuj deļo̧n̄e jikin kaminene eo an mijenede m̧okta jān aō kadiwōjļo̧k jān high school. N̄an n̄a, iien eo ekar jab meļeļe, bōtaab ikar bōk juon en̄jake in kapene ilo jetōb n̄an ļōke ilo Irooj. Ikar, im men ko raar waļo̧k ilo aer aiboojoj.
Lōke ilo Irooj ej meļeļe in bun̄ m̧aanļo̧k jekdo̧o̧n n̄e iaļ eo ejjab kanooj in alikkar.
Bonnie H. Cordon
Lōke ilo Anij ilo Iien ko Reppen
Rūttoļo̧k, jema jerbal eo an ekar juon Army opija. Men eo de eo enana ilo jerbal eo an ekar bwe ekar aikuj in etal n̄an tariņae. Ikar 13 iiō detta ke jema ekar ilo̧k n̄an Vietanam alen kein karuo. Mijak kōn an ban kar jepļaaktok ekar aolep iien pād ilo ļōmņak eo aō, bōtaab kar barāinwōt aō lōke ilo Irooj. M̧okta jān an em̧m̧akūt, jema ekar letok n̄an eō juon kōjeraam̧m̧an an jemen kam̧ool n̄an eō bwe Iroj enaaj kar pād ippa im jipan̄ ilo an jema kar pād ettoļo̧k. Ikar en̄jake aenōm̧m̧an. Men̄e ikar jab jeļā ilo lukkuun m̧ool bwe jema enaaj kar bar jepļaaktok n̄an kapijukenen ilo ejjeļo̧k jorrāān, ikar lōke bwe aolep renaaj kar EMMAN, jekdo̧o̧n ta enaaj kar waļo̧k.
Rebecca Craven
Ahmad S. Corbitt
Steven J. Lund
Bradley R. Wilcox
Lōke Eok Make n̄an Anij
Ke ikar kobatok n̄an Kabun̄ in āinwōt juon jodikdik, ikar kāālet n̄an leļo̧k mour eo aō, iien, im būruō n̄an Irooj. Men̄e kain kallim̧ur rōt in ej n̄an indeeo kar en̄jake jidik mijak, ikar jeļā bwe ekar jetjet. Ikar en̄jake bwe Jema Ilan̄ ekar kōņaan menin jān eō, im ekar wōr aenōm̧m̧an ippa ilo kōm̧m̧ane menin. Ij lukkuun m̧ōņōņō ikar kāālet n̄an lōke ilo Anij im kar en̄jake An anjo̧ ilo mour eo aō. Ij m̧ool bwe eļan̄n̄e ikar pedped ioon meļeļe eo aō make, mour eo aō ejjamin kar jon̄an wōt in an m̧weie ilo lan̄lōn̄, m̧ōņōņō, im aenōm̧m̧an.
Ahmad S. Corbitt
Lōke ilo Im̧we eo an Irooj
Ālkin aō kar jerbale mijen eo aō, ikar en̄jake im̧we n̄an etal n̄an military ijello̧kin bar ro̧o̧l n̄an college. Menin ekar men eo āliktata ikar kōņaan kōm̧m̧ane! Ikar en̄jake tarpok, bōtaab ikar ekkatak n̄an lōke Anij, im ikar lo ebwe tōmak n̄an ron̄jake E im pokake. Ikar erom juon ritariņae ium̧win jilu iiō ko.
Ekanooj lōn̄ men ko rem̧m̧an ilo mour eo aō raar itok jān jokāālet jab in, ekoba ioon lieo pāleeō ilju im jekļaj.
Steven J. Lund
Lōke ilo Im̧we ko an Anij n̄an Jerbal Kiiō
Ālkin aō kar katakin kūlaaj jiljino ium̧win jilu iiō ko, ikar ekkatak bwe eļan̄n̄e ibar katakin ium̧win bar emen tok iiō, school district eo enaaj kar kōļļāik jimettan in wōņāān jikuuļ eo aō n̄an aō bōk degree master eo aō. Ekar āinwōt juon ļōm̧ņak em̧m̧an—m̧ae iien eo Jetōb ekar im̧we eō n̄an kam̧ōj jerbal eo aō im bar ro̧o̧l im bōk degree eo aō ilo kar iien en. Lio pāleeō ekar wōr juon an ejja kain im̧we in wōt, kōn menin kōm kar bun̄ m̧aanļo̧k. Ekar meļeļe in kōmij aikuj naaj kar kōļļāik jikuuļ kōn kōm make. Ak kōnke kōm kar, kar kōjerbale eō n̄an katakin ilo BYU—Provo. Iien eo em̧m̧an n̄an kar katakin eban kar pād eļan̄n̄e renaaj kar kōttar emān iiō. Kōm kar jab jeļā ekōjkan an men ko kar waļo̧k, bōtaab Irooj ekar tōl iaļ ko am ejja āinwōt An kar kallim̧ur.
Bradley R. Wilcox