“Ir Nei me Ngang mi Sinei Ir,” Ren ewe Pochokunen Sarafo, Jan. 2022.
Porous ren Ren ewe Pochokunen Serafo iteiten Maram, Janurary 2022
“Ir Nei me Ngang mi Sinei Ir”
Sasing seni Getty Images
En mi mwo mefi pwe kose auchea? Meni en mi fen mefi ei napanap nupwen ka ekieki ifa usun chommongun aramas non ewe fonufan ika nenengeni ifa usun chommongun ekkewe fuu fan nang. En mi mwo ereki ika Kot mi ennetin sinei en io me ifa ususun manauom? Ika pwe ina, iwe mi wor an Moses porous fan asengesum.
Non eu nemasepwi, Kot a pwar ngeni Moses meinisin kinikinin ewe fonufan me ekkewe aramas meinisin repwe nom won. Ra kon chommong sise tongeni anneanir usun foun pien orosetin ewe sat (Moses 1:28). Iwe mwirin Kot a ureni Moses pwe I a fen forata ekkewe “fonufan ese nea” (Moses 1:33)—pwe forian kewe ra nununo towawer seni ei fonufan.
Meni Moses a mefi sach nupwen a kuna meinisin ekkei mettoch. Eni a ekieki: Ian upwe mas me ian nein ekkei chommongun mettoch mi foruta? Me ifa usun an Kot a tongeni apareni chommong mettoch?
An Kot ponuweni mi fatafatoch: “Mettoch meinisin mi nampa me rei.” Ifa usun? “Ir Nei me Ngang mi Sinei Ir” (Moses 1:35). Kot mi sinei ion we Moses, usun pwan an sinei meinisin Noun semirit, me pwan sinei mettoch meinisin I a forata. Ir meinisin ir Noun—ekkewe fuu, ewe ppi, me akkaewin Noun semirit on ewe fonufan. Ir ekkewe popunapen minne I a fori ewe fonufan. Ar manau ese much ina an Kot akkaewin auchean angang.
Pun nengeni, iei ai angang me ai ning—pwe upwe wato manau me manau ese much ngeni aramas (Moses 1:39).
Usun chok Moses a sinei ian a mas me ia non an Kot kokkot, en mi pwan tongeni apinukunuk pwe Kot mi sineok! An anisuk om kopwe niwin ngeni I, ina An angang me ning. Pwata? Pokiten en Noun. Me eses wor mettoch ese auchea usun ena!
© 2021 ren Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porous Ren ewe Pochokunen Sarafo Iteiten Maram, December 2021. Chuukese. 17467 901