“Mmo Edi Okim ndien Ami Mmofiok Mmo,” Eno ke Nsongonda eke Iwaad, Jan. 2022.
Etop ofuri Ofiong emi Enode ke Nsongonda eke Iwaad January 2022
“Mmo Edi Okim ndien Ami Mmofiok Mmo”
Ndise otode Getty Images.
Ndi afo amesikere ke edi ekpri? Afo amekeme ndikere ke usung emi kini afo akerede abanga mme ibat owo ifan idu ke ererimbot mme ke ndise mme ibat ntafiong ifang idu ke enyong. Nte afo amesidu ke mkpa idem ke Abasi anehede ofiok owo emi afo edide ye nte uwem fo etiede? Adieke edide ntre, ndien Moses enyene etop ono fi.
Ke nkukut, Abasi ama owut Moses kpukpru inuk ererimbot ye kpukpru mme owo emi edidungde ke esit. Mmo eketie nte “anana ibat nte ntan ke mben inyang” (Moses 1:28). Abasi ndien odoho Moses ete ke Enye ama anam “mme ererimbot iminyeneke ibat” (Moses 1:33)—ete ke edibot nkpo esie aka oniong akan isong emi.
Moses ama anehede okop utenge kini enye okokutde mme mkpo emi. Kakpan enye ama akpa idem: Ebiet ewe ke ami nkeme ndiduk kotu mme ediwak nkpo obot? Nko didie ke Abasi akeme ndinim oruk ediwak oro?
Iboro Abasi ekedi memem: “Ebat kpukpru mkpo eno mi.” Didie? “Mmo Edi Okim ndien Ami Mmofiok Mmo” (Moses 1:35). Abasi amaofiok owo emi Moses ekedide, kpa nte Enye ofiokde kpukpru ndito Esie, ukem nte kpukpru emi Enye okobotde. Kpukpru mmo edi eke Esie—mme ntafiong, mme ntan, nko akpan akpan ndito Esie ke isong. Mmo edi kpukpru ntak emi Enye akanamde isong. Nsisi erinyanga ukpong mmo edi akpan ke utom Abasi.
Ndien sese, “Emi edi utom ye ubong Mi—man owo akan mkpa ikpokidem onyung enyene nsinsi uwem” (Moses 1:39).
Kpa nte Moses okofiokde ebiet emi enye odude ke uduak Abasi, afo nko amekeme ndifiok nte ke Abasi ofiok fi! Ndinwam fi ndifiak nyong mbine Enye edi utom ye ubong Esie. Ke ewe ntak? Ke ntak emi afo edide eke Esie. Ndien ekpri mkpo iduhe kabangade oro.
© 2021 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Etop Ofuri Ofiong emi Abaŋade Nsɔŋɔnda eke Iwaad, Ofiong December 2021. Efik. 18295 553