Iteiten Maram Ren Pochokunen Serafo Message, February 2022

Genesis 11–50

Ekkewe Petriark

Ir io Kewe me Pwata A Namot

Naman ka fen rongorong usun Abraham, Isaac, me Jacob. Kich sia aneani usun ir non ewe Puken Mormon me kopwe pwan rongorong usun ir omw ka kaeo ewe Testamenin Nomw non ei ier. Fiti chomongun poraus fan iter, meni ir repwe fokun unusen auchea, ika met? Nge meni kopwe fen eisinuk, “Pwata ir kewe unumon mwan ra nomw ngerou ier a no a namot ikanai?” Iwe, ewe kien ena ponuwan a nomw non ekkewe pwon mi pin ese much me pwonen ekkewe feioch Kot a ngenir.

Abraham

Chunga seni Jarom Vogel

Abraham i emon soufos mwurino. I a wenechar me nikitu ngeni an Kot kewe annuk.

I a papatais, angei ewe pristut, me a riri feifeino ngeni punuwan ewe Sarah.

Kot a fori ew pwon ngeni Abraham pwe mwirimwirin kewe repwe fokun wate me epwe or rer kewe feioch a fen angei.

Repwe uwei unusen ewe kapas allimen Jises Kraist ngeni fonuwen non fonufan.

Isaac

Isaac i ewe noun Abraham me Sarah aat.

Kot a apasa ngeni Abraham epwe aani asor Isaac. Abraham a tongei Isaac nge a finata epwe afona Kot. Me mwen chok Abraham epwe ani asor Isaac, ewe chon nang a ureni Abraham epwe kouno. An Abraham me Isaac mochen afona Kot ina ew niosun ewe Achesafanin noun Kot ewe Anamonun Aat.

A pwon ngeni Isaac ekkewe chok ussun feioch Abraham a angei.

Jacob

Ussun chok saman ewe me semen saman ewe, Jacob a nikitu ngeni Kot.

Pwokiten an nukuchar, ewe Samon a siwini iten Jacob ngeni Israel, wewen “emon a ningeno ren Kot” ika “mwut ngeni Kot epwe ningeno” (nengeni Bible Dictionary, “Israel”).

A wor 12 noun Jacob aat. Ekkei aat me ar kewe famini ra itefouno pwe ir eterengesin Israel.

Ewe pwon Kot a fori ngeni Abraham a asofosefan ren Jacob me noun kewe.

Ekkewe Petriark me En

Ren emon chon Mwichefen, en ka emon chon mwirimwirin Abraham, Isaac, me Jacob. Ewe pwon ra fori ngeni Kot mi fich ngonuk!

Mi wor omw feioch me wiis omw kopwe pwarata usun ewe Chon Amanau me opworousa an ewe kapas allim.

Ka pwan koko omw kopwe tungorei meinisin ar repwe fori me aponueta kewe pwon mi pin me angei kewe angangepinin pristut. Preseten Russell M. Nelson a fen apasa pwe ei a ekkoch kinikinin ren ewe ochu fengeni Israel, ren “a unusen auchean mettoch a fis won fonufan ikanai” (“Hope of Israel,” [worldwide youth devotional, June 3, 2018], 8, ChurchofJesusChrist.org).

© 2022 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Iteiten Maram Ren Pochokunen Sarafo Message, February 2022. Chuukese. 18344 901