Etop ofuri Ofiong emi Enode ke Nsongonda eke Iwaad, February 2022

Genesis 11– 50

Mme Patriarch

Se Mmo Ekedide ye Ntak emi Enyenede Ufon

Ekeme ndidi afo amekop abanga Abraham, Isaac, ye Jacob. Nnyin imesisop ndikot mbanga mmo ediwak ke Nwed Mormon nko afo eyekop ediwak kabangade mmo nte afo ekpepde Akani Testament ke isua emi. Ye ata nting enyin kabangade mmo, mmo eyenehede edi akpan, ofon? Edi afo amekeme ndibup idemfo, “Ntak mme iren owo ita emi ekedude ke ediwak tosan isua emi ekebede edide akpan mfin?” Edi, ukpohode kabangade iboro oro okongo ke mme nsi nsi ediomi ye enwongo edidiong emi Abasi okonode mmo.

Abraham

Mme uwut-ŋkpɔ otode Jarom Vogel

Abraham ekedi akwa prophet. Enye ekedi edinen owo onyung okop item kabangade mme ewuho Abasi.

Enye ama ana baptism, ama obo itieoku, nko ama adiana ye nwan esie Sarah ke nsi nsi.

Abasi ama anam ediomi ye Abraham ete ke ubon esie eyedi akamba nko ke mmo eyenyene mme ukem edidiong emi enye okobode.

Ke mmo eyemen Uyoho Iko Abasi Jesus Christ esok kpukpru mme idut ke isong.

Isaac

Isaac ekedi eyen eren ono Abraham ye Sarah.

Abasi ama odoho Abraham ete yak awa Isaac. Abraham ama ama Isaac edi amek ndikop uyo Abasi. Mbemiso Abraham okoyom ndiwa Isaac, angel ama odoho Abraham ete yak atre. Unyime Abraham ye eke Isaac ke ndikop uyo Abasi ada ono Uwa-isop eke Ikpong Ikpong Eyen Abasi.

Isaac ama obo ukem mme edidiong kpa nte eke Abraham.

Jacob

Kpa nte ete ye ete ete esie, Jacob ama enyene mbuotidem ke Abasi.

Ke ntak mbuotidem esie, Obong ama okpuhode enyin Jacob akabade okot Israel, emi adade ono “enye emi akande ye Abasi” mme “ayakde Abasi akan” (seke Bible Dictionary, “Israel”).

Jacob akenyene ndito iren 12. Mme ndito iren emi ye ufok emana mmo ekabade edi mme ubon Israel.

Ediomi emi Abasi akanamde ye Abraham ema efiak enam obufa ye Jacob ye mme ndito esie.

Mme Patriarch ye Afo

Nte mbon Ufok Abasi, mbufo edi kiet ke ubon Abraham, Isaac, ye Jacob. Ediomi emi mmo ekenamde ye Abasi abehe fi!

Afo amenyene edidiong ye ubiong utom ke ndino iko ntiense mfo kabanga Andinyanga ye ndibuana ikoabasi.

Ekot fi nko ndikot owo kiet-kiet ndinam nyung nim ndisana ediomi nyung mbo mme edinam eke itie oku. President Russel M. Nelson ama odoho ete ke emi edi kpukpru ndaha eke nditang Israel mbok, emi “edide ata akpan nkpo emi adade itie ke isong mfin” (“Hope of Israel,” [worldwide youth devotional, June 3, 2018], 8,

© 2022 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Etop Ofuri Ofiong emi Abaŋade Nsɔŋɔnda eke Iwaad, Ofiong February 2022. Efik. 18344 553