“Bankambua Bakulu: Tshidibu ne Bua Tshinyi Badi ne Mushinga,” Bua Dikankamika dia Bansonga, Ngondo Muibidi 2022.
Mukenji wa ku ngondo Bua Dikankamika dia Bansonga Ngondo Muibidi 2022
Bankambua Bakulu
Tshidibu ne Bua Tshinyi Badi ne Mushinga
Mpukampuka ukatu muteleja bua Abalahama, Isaka ne Yakoba. Tudi tubala buabu misangu yabungi mu Mukanda wa Molomo ne neuteleja imua misangu bikola buabu paudi ulonga Dipungila Dikulukulu mu tshidimu etshi. Ne ntema yabungi mifila kudibu, badi ne bua kuikala ne mushinga wabungi, ke momu anyi? Kadi nudi mua kudikonka, “Buatshinyi bantu basatu bakasomba pa buloba kukadi bidimu binunu bipita badi ne mushinga lelu?” Mbimpa, nsapi ya diandamuna edi idi mu bipungidi bia tshiendelela ne mabenesha malaya adi Nzambi mubapesha.
Abalahama
Bimfuanyi bia kudi Jarom Vogel
Abalahama uvua muambi munena. Uvua muntu muakana ne mutumikidi wa mikenji ya Nzambi.
Wakatambuishibua, wakapeta buakuidi, ne wakasuikibua kudi mukajienda Sala bua tshiendelela.
Nzambi wakenza tshipungidi ne Abalahama ne, ndelanganyi yenda neidiunda ne neipeta mabenesha a momumua ne akapetaye.
Nebatuadila bisamba bionsu bia pa buloba tshiuwidi tshia lumu luimpa lua Yezu Kilisto.
Isaka
Isaka uvua muana wa baluma wa Abalahama ne Sala.
Nzambi wakambila Abalahama bua alambula Isaka. Abalaham uvua munanga Isaka kadi wakasungula bua kutumikila Nzambi. Pavua Abalahalama ukeba kulambula Isaka, muanjelu wakamuambila bua alekela. Disua dia Abalaham ne dia Isaka bua kutumikila Nzambi didi tshilejelu tshia Bupikudi bua Muana Mulela Umuepela wa Nzambi.
Isaka uvua mulayibua mabenesha a momumua ne Abalahama.
Yakoba
Anu bu muvua tatuenda ne kakuenda, Yakoba uvua muena lulamatu kudi Nzambi.
Kupitshila ku lulamatu luenda, Mukalenga wakashintulula dina dia Yakoba mu Isalele tshidi tshiumvuija “eu udi utshimuna ne Nzambi” anyi “ulekela Nzambi atshimuna” (tangila Nkonga Miaku wa Bibilia, “Isalele”).
Yakoba uvua ne bana ba baluma 12. Bana ba baluma aba ne mêku abu akamanyika bu bisamba bia Isalele.
Tshipungi tshiakenza Nzambi ne Abalahama wakatshienzulula ne Yakoba ne bana benda.
Bankambua Bakulu ne Wewa
Bu tshidimba tshia Ekelezia, udi tshitupa tshia ku ndelanganyi ya Abalahama, Isaka ne Yakoba. Tshipungidi tshidibu benza ne Nzambi tshidi tshikutangila peba.
Udi ne dibenesha ne bujitu bua kufila bujadiki bua Mupandishi ne kutangalaja lumu luimpa.
Udi kabidi mubikidibua bua kubikila muntu yonsu bua kuenza ne kulama bipungidi ne kupeta milulu ya buakuidi. Mulombodi Mukulu Russell M. Nelson wakamba ne bionso ebi bidi bienza tshitupa tshia disangila dia Isalele tshidi “tshikala tshintu tshia mushinga tshidi tshipitakana pa buloba lelu” (“DHope of Israel,” [worldwide youth devotional, June 3, 2018], 8, ChurchofJesusChrist.org).
© 2018 by Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, February 2022. Tshiluba. 18344 760