“Pi Patriarch: Yad Mini’ nge Mang Fan Baga’ Fan,” Fan ko Gelngin e Pi’in ni Fal’yangren, Feb. 2022.
Mulwol Ni fan Gelingin e Pi’in ni Fal’yangren nifen e Pul ko, February 2022
Fapi Patriarch
Yad Mini’ nge Mang Fan Baga’ Fan
Sana kam rungan’ marunga’agen Abraham, Isaak, nge Jakob. Gadad ma biyeg marunga’agrad bo’or u lan fare Babyor ku Mormon nge riyul’ gara bi’eg boech marunga’agrad napan mu fil ko Bin Kakrom e M’ag biney e duw. Riyul’ kan noeg marunga’agrad yo’or, ya thingarda mang baga’fan, fa? Machane sana gabe lemgang, “Mang fan baga’ fan ngog dalip e m’on nibe paer biyuw ngo biyuw e duw faram?” Ere, fulweg ko re duwer ney ma paer nga langin pi m’ag nge tawa’ath ke tay Got ngorad.
Abraham
Sasing riy e ke yib rok Jarom Vogel
Abraham e profet nib ga’. Ke paer nib yul’yul’, me fol ko pi motochiyel rok Got.
Ke tawfe nag, athapeg fare priesthood, me m’ag pa’ nib manechubog ko ppin Sarah.
Got ke tay e m’ag rok Abraham ni pifak e bitir rok nira mang nib ga’ mra athapeg fapi tawa’ath kan athapeg ir.
Yad ra pii’ fare gospel nib polo’ rok Yesus Kristus ngak pi nam nu fayleng.
Isaak
Isaak e fare pagel ni fak Abraham nge Sarah
Got ke motochiyel ngak Abraham ni ngan maligach nag Isaak. Ke t’ufeg Abraham Isaak, machane ke mel’eg ni nge fol ku Got. U m’on ke lii’ Isaak, ke yib e engel ngak Abraham me yoeg ni nge tal. Ni Abraham nge Isaak kar mel’egew ni ngar fol gow ku Got e reb a pow ko fare Bayul rok e fachaʼ ni Maʼagirag Rokʼ e en Chitamangiy.
Isaak kan micheg nag pi tawa’ath rok Abraham.
Jakob
Boeth e chitimang nge tutuw, Jakob e ba yul’yul’ ngak Got.
Bachan e rib yul’yul’ ngay, Somoel ke thiliyeg fithingan Jakob ko Israel, nibe yip fan “cha’ nibe gel nag rok Got” fa “Got ra gel nag” (muguy Bible Dictionary, “Israel”).
Jakob ke fakew 12 e pagael. Pi pagael nge tabinaw rorad kar manged pi tribe nu Israel.
Fare mag ke tay Got rok Abraham ni ke bi’ech nag rok Jakob nge pifak rok.
Pi Patriarch nge Gur
Ni gur chongin e Galasia, gur bang pifak rok Abraham, Isaak, nge Jakob. Fare m’ag kar tayed rok Got e m’ag rom!
Gur rayog rom fare tawa’ath nge muruwel ni ngam weliy fan e mich rom ku Somoel nge weliy fan e gospel.
Gur kam pinning ni ngam non ngak gubin e gidii’ ni ngar tayed min fol ko pi m’ag nge gam’ing e priesthood riy’. President Russel M. Nelson ke yoeg ni ren’ey e bang ko fare kunuy rok Israel, ni’ir “bin ga’ fan ban’en nibe buch ko fayleng daba’” (“Hope of Israel,” [worldwide youth devotional, June 3, 2018], 8, ChurchofJesusChrist.org).
© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’yangren, February 2022. Yapese. 18344 905