Hvernig hlýðið þið á hann?

Öldungur Neil L. Andersen

í Tólfpostulasveitinni

Úr aðalráðstefnuræðu í apríl 2020.

Samfara þeirri hljóðlátri leiðbeiningu sem við hljótum af og til frá heilögum anda, staðfestir Guð okkur á sterkan og einkar persónulegan hátt að hann þekkir og elskar okkur. Síðan, á erfiðleikatímum, lætur frelsarinn okkur minnast þessarar reynslu.

Íhugið eigið líf. Þessar upplifanir geta átt sér stað á vendipunktum í lífi okkar eða þær virðast í fyrstu lítilvægir atburðir. Þessi andlegu augnablik verða til á mismunandi tímum á mismunandi hátt, einstaklingsmiðuð fyrir sérhvert okkar.

Joseph Smith útskýrði að hjá okkur geta „hugmyndir skyndilega vaknað“ og af og til hljótum við flæði hreinna vitsmuna.¹

Dallin H. Oaks forseti veitti manni leiðsögn, sem fullyrti að hann hefði aldrei orðið fyrir slíkri reynslu: „Ef til vill hefur bænum þínum verið svarað aftur og aftur, en þú hefur einblínt á ákveðið tákn eða svo háværa rödd, að þú heldur að þú hafir ekki hlotið neitt svar.“²

Nýlega höfum við heyrt Russell M. Nelson forseta segja: „Ég býð ykkur að íhuga vandlega og oft þessa lykilspurningu: Hvernig hlýðið þið á hann? Ég býð ykkur einnig að gera ráðstafanir til að hlýða á hann betur og oftar.“³