Spurningar og svör

„Hvað ætti ég að gera þegar mér finnst tilraunir mínar til að miðla fagnaðarerindinu ekki bera árangur?“

„Treystið á að Drottin geri kraftaverk. … Verið ekki dauf í dálkinn þótt einhver taki ekki samstundis við boðskap fagnaðarerindisins. Þið hafið ekki brugðist. Það er mál viðkomandi einstaklings og himnesks föður. Ykkar er að elska Guð og elska náunga ykkar, börn hans.“

Öldungur Dieter F. Uchtdorf, í Tólfpostulasveitinni, aðalráðstefna apríl 2019.

Fylgið fordæmi Krists

„Eitt sinn sagði kennarinn minn að Guð væri ekki til. Ég hafði verið að lesa Mormónsbók dag hvern og vissi að það var ósatt sem hann sagði. Ég reyndi að miðla vitnisburði mínum, en hann hlustaði ekki. Ég hef lært að verk mína tala hærra en orð mín. Vinir mínir sýna mér mikinn stuðning við að lifa staðlana mína. Þeir fylgjast grannt með mér því ég er meðlimur kirkjunnar.“

Valeria F., 18 ára, Hondúras

Biðjið um aðstoð

„Við getum miðlað fagnaðarerindinu á ótal marga vegu. Stundum tryggir ekki okkar besta framlag að vinir okkar meti okkur réttilega. Þið eruð ekki einsömul. Biðjið himneskan föður og frelsarann um liðsinni. Þið gætuð uppgötvað eitthvað nýtt.“

Banri O., 15 ára, Japan

Sýnið gott fordæmi

„Ég hef ætíð hugfast þessa leiðsögn leiðtoga minna: ,Að sýna gott fordæmi, er ein besta leiðin til að miðla fagnaðarerindinu.‘ Ef við gerum okkar besta til að vera öðrum góð fyrirmynd og ljós, verður auðveldara að miðla fólki fagnaðarerindinu. Að vera fulltrúi Jesú Krists, getur fært miklar blessanir í líf okkar og þeirra sem umhverfis eru.

Bonnie Q., 16 ára, Bólivíu

Valið er þeirra

„Mér hefur oft verið hafnað þegar ég hef miðlað fagnaðarerindinu. Af hreinskilni, þá hef ég stundum orðið sorgmædd, því ég sé engan árangur. Ég hef lært að það er ekki mín sök ef fólk meðtekur ekki fagnaðarerindið. Valið er þess og mér ber að sýna þolinmæði. Erfiði mitt gæti síðar borið ávöxt. Ég get alltaf beðið fyrir því fólki sem ég býð.“

Cristina B., 18 ára, Rúmeníu

Kenna og breyta eins og Kristur

„Við gætum hugsað upp nýjar og skemmtilegar leiðir til að miðla fagnaðarerindinu. Við gætum til að mynda lært hvernig Jesús Kristur prédikaði með dæmisögum og verkum. Verk okkar sýna hver við erum og staðla okkar.

Johann S., 16 ára, Bólivíu

Verið þolinmóð

„Mér hefur oft verið hafnað þegar ég hef miðlað fagnaðarerindinu. Af hreinskilni, þá hef ég stundum orðið sorgmædd, því ég sé engan árangur. Ég hef lært að það er ekki mín sök ef fólk meðtekur ekki fagnaðarerindið. Valið er þess og mér ber að sýna þolinmæði. Erfiði mitt gæti síðar borið ávöxt. Ég get alltaf beðið fyrir því fólki sem ég býð.“

Cristina B., 18 ára, Rúmeníu

Haldið áfram að reyna

„Þegar ég býð vinum mínum að koma í kirkju á sunnudögum hafna þeir oft boði mínu. Það er erfitt að kyngja höfnun, en þegar ég les ritningarnar veit ég að hvaðeina sem við gerum fyrir aðra, gerum við fyrir Jesú Krist. Ég trúi að þolinmæði sé lykilatriði. Við vitum aldrei hvenær orð okkar gætu blessað aðra.“

Valeria V., 14 ára, Bólivíu

Biðjið fyrir þeim

„Auðveld leið til að miðla fagnaðarerindinu er að sýna vinum ykkar elsku. Þið getið beðist fyrir um hugrekki til að miðla fagnaðarerindinu. Þið getið líka beðist fyrir um að þeir hljóti aukinn skilning á boðskap fagnaðarerindisins.“

Yuria K., 18 ára, Japan

Svörin eru til hjálpar og til að fá yfirsýn, en eru ekki opinberar yfirlýsingar um kenningar kirkjunnar.

Hvað finnst ykkur?

„Hvernig get ég hjálpað þeim vinum mínum sem ekki eru virkir í kirkjunni að styrkja vitnisburð sinn?

Sendið svar ykkar og mynd fyrir 15. apríl 2022.

Farið á ftsoy.ChurchofJesusChrist.org og smellið á „Submit Your Work [Senda verkið ykkar].“ Skráið ykkur inn með kirkjuaðgangi ykkar og veljið „For the Strength of Youth [Til styrktar ungmennum]“ undir „Choose Magazine [Velja tímarit].“ Smellið á „Add File [Bæta við skjali]“ til að velja skrá og mynd og smellið svo á „Submit [Senda]“ til þess að hlaða þeim upp og senda okkur. Þið getið líka sent okkur netpóst á [e-mail].

Svartexti kann að verða styttur eða lagaður til.