“Mushindu Kayi Unudi Numuteleja?,” Bua Dikankamika dia Bansonga, Ngondo Muisatu 2022.
Mukenji wa ku ngondo Bua Dikankamika dia Bansonga Ngondo Muisatu 2022
Mushindu Kayi Unudi Numuteleja?
Biangata ku Muyuki wa mu mpungilu Munene wa Ngondo Muinayi 2020.
Bimfuanyi bia kudi Oksana Grivina
Bishalangana ne diludika dimpa dia Nyuma wa Tshijila ditudi tupeta, ku diba ne diba, Nzambi udi ushindika ku bukola ne muntu yonsu wa kutudi ne mutumanya ne mutunanga. Pashisha, mu bikondo bietu bionsu bia dikenga, Musungidi udi utuvuluija mu meji etu muakenzaye.
Ela meji bua moyo weba. Mamanya a dibidila adi mua kufuma ku bikondo bidi bilamakaja moyo wetu anyi bidi bimueneka bua musangu wa kumpala bu bintu kabiyi mushinga. Bikondo ebi bisunguluka bia nyuma bidi bifika mu meba mashilangana ne mu mishindu mishilanga, bua muntu wa kutudi yonso.
Joseph Smith wakumvuija ne, misangu mikuabu tudi tupeta “ditapa disu pa tshikadi” ne mpukampuka dinyungana dimpa dia lungenyi.1
Mulombodi Mukulu Dallin H. Oaks, mu diandamuna kudi muntu mulelela uvua ushindika ne kena muanji kumona bintu bia nanku, wakamubela “Mpukampuka masambila eba akadi mandamuna misangu yabungi, kadi udi ukeba tshimanyinu tshinena anyi dîyi dikola ke paudi wela meji ne kuena ne diandamuna to.”2
Tuvua bateleja musangu mushala Mulombodi Mukulu Russell M. Nelson wamba ne: “Ndi nuela Iubila bua nuela meji bikola misangu yonsu pa lukonko elu: Mushindu kayi unudi Numuteleja? Ndi nuela Iubila bua nuangata tshitupa tshia kumuteja bimpa ne misangu yonsu.”3
© 2022 by Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, March 2022. Tshiluba. 18296 760