“Fesootai,” Mo le Malosi o le Autalavou, Ape. 2022.
Fesootai
Pierre-Alban C.
17, Normandy, Farani
Ata na pueina e Christina Smith
Sa ou papatiso i Aikupito. Sa matou nonofo ai iina mo ni nai tausaga ona o le galuega a lo’u tama. Sa papatisoina a‘u e lo’u tamamatua, ma o se aafiaga faapitoa moni lava. Na ou lagona le Agaga. I lena aso sa ou lagonaina le lagolagosua mai tagata uma o la‘u uarota, aemaise lava mai le Tama Faalelagi. Ou te iloa sa ou faia se filifiliga lelei.
E leai ni malumalu i Aikupito po o atunuu lata ane. Ae ina ua matou siitia atu i Farani, sa mafai ona ou alu i le malumalu i Suitiselani. O le taimi lea a o le’i fausiaina le Malumalu o Pale Farani.
O le taimi muamua lava na ou alu ai i le Malumalu o Bern Suitiselani, sa matou o ai ma lo’u aiga ma uo. Na aumai e lenei aafiaga ia te a’u le olioli tele. Sa matou lagonaina uma le Agaga. Sa ou iloa o le mea sa ou faia sa lelei ma sa mitamita le Atua i la matou galuega. Ou te iloa o le malumalu e aumaia ia i tatou le tele o faamanuiaga. A tatou faaavanoa se taimi e faia ai galuega o le malumalu mo o tatou tuaa, e faamanuiaina i tatou e le Tama Faalelagi. O le a fiafia o Ia i mea ua tatou faia mo Ana fanau i Lona maota.