“Sevya We I Stap Harem Nogud,” Blong Ol Yut Oli Kam Strong, Epr. 2022.
Evri Manis Mesej Blong Ol Yut Oli Kam Strong, Epril 2022
Sevya We I Stap Harem Nogud
Handred yia bifo Jisas Kraes i kam, Aesea i bin luk finis harem nogud blong Hem from ol sin blong yumi.
oli lukluk daon long hem mo ol man oli tanem baksaed long hem
Taem Jisas Kraes i bin kam daon long wol ia, sam pipol oli bin biliv long Hem, be plante oli no bin biliv. Oli iven luk daon long Hem, mo plante oli no laekem Hem. Long en, pipol oli jusum blong mekem Hem harem nogud long soa bodi mo kilim Hem. (Luk long 1 Nifae 19:9.)
Hem i bin tekem ol soa long hat blong yumi
Jisas Kraes i tekem long Hemwan ol sobodi blong yumi, ol sik blong yumi mo ol samting we yumi no strong long hem. Hem i bin mekem ol samting ia blong Hem i save gat sore long yumi mo save olsem wanem blong helpem yumi. (Luk long Alma 7:11–13.)
hem i bin kasem kil from ol fasin blong yumi blong brekem loa
Jisas Kraes i bin harem nogud from ol sin blong yumi. Hem i bin mekem olsem blong yumi save kasem fogivnes taem yumi sakem sin. (Luk long Doktrin mo Ol Kavenan 18:11; 19:15–19.)
tru long ol mak blong kil blong hem, yumi kam oraet
“Ol mak blong kil blong Hem” oli ol kil we hem i kasem. Oli stap soem evri harem nogud we Hem i bin winim from yumi, mo hemia i tekem tu blad blong Hem we i ron mo ded blong Hem. From we Jisas Kraes i bin harem nogud from yumi, yumi save kasem hiling. Sakrifaes blong Hem i mekem i posibol blong yumi kasem fogivnes from ol sin blong yumi. Taem yumi sakem sin mo traem blong kipim olgeta kavenan blong yumi, Hem i hilim yumi mo jenisim yumi. (Luk long Mosaea 3:7–11; Ol Toktok blong Bilif 1:3.)
© 2022 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem translesen: 6/19. Translesen blong Monthly For the Strength of Youth Message, April 2022. Bislama. 18314 852