iTukutuku Me iSakisaki ni iTabagone ni Veivula, Epereli 2022

Na iVakabula Vakararawataki

Ni vo e vica na drau na yabaki me lako mai o Jisu Karisito, a raica rawa o Aisea na Nona na vakararawataki ena vuku ni noda ivalavala ca.

Aisea 53:3–5

3 Sa beci koya ka biuta ko ira na tamata, sa tamata e dau rarawa na lomana, ka sa dau kila ka rarawa: ka sa vaka e dua eda sa tabonaka na matada mai vei koya; sa beci, ka da sa sega ni dokai koya.

4 E dina sa colata ko koya na noda rarawa, ka sa colata na rarawa ni lomada: ia eda sa vakalewa vua ni sa yaviti, ka cudruvi mai vua na Kalou, ka vakararawataki:

5 sa vakamavoataki ko koya ena vuku ni noda talaidredre, ka sa qaqi ena vuku ni noda caka cala: sa tau vua na cudruvi sa vu ni noda veivinakati tale; ia e na we ni kena kuita eda sa vakabulai kina.

beci ka cati

Ena gauna a lako mai kina ki vuravura o Jisu Karisito, eso na tamata era a vakabauti Koya, ia e vuqa sara a segai. Era a raici Koya sobu, ka vuqa era cati Koya. E muri, era a digitaka na tamata me vakararawataki o Koya ka vakamatei. (Raica na 1 Nifai 19:9.)

sa colata ko koya na noda rarawa

A ciqoma vakatakikoya o Jisu Karisito na noda mosi, tauvimate, kei na malumalumu. A vakayacora oqo o Koya me rawa ni lomani keda kina ka kila na sala me vukei keda kina. (Raica na Alama 7:11–13.)

sa vakamavoataki ena vuku ni noda talaidredre

Sa vakararawataki o Jisu Karisito ena vuku ni noda i valavala ca. A vakayacora oqo o Koya me rawa ni da vosoti kina ni da veivutuni. (Raica na Vunau kei na Veiyalayalati 18:11; 19:15–19.)

ia ena we ni kena kuita eda sa vakabulai kina

“Na kena kuita” sa Nona mavoa. Oqo era vakaraitaka na rarawa kece a vosota o Koya ena vukuda, ka oka kina na vakadavei ni Nona dra kei na Nona mate. Baleta ni a vakararawataki o Jisu Karisito ena vukuda, e sa rawa ni da vakataucokotaki tale. Na Nona solibula sa na rawa kina me vosoti na noda ivalavala ca. Ni da veivutuni ka tovolea meda maroroya na noda veiyalayalati, ena vakabulai keda ka veisautaki keda o Koya. (Raica na Mosaia 3:7–11; Yavu ni Vakabauta 1:3.)

© 2022 by Intellectual Reserve, Inc. Dodonu taucoko e taqomaki. Tabaki e Amerika. Vakadonui me vaka-Valagi: 6/19. Vakadonui me vakadewataki: 6/19. iVakadewa ni iTukutuku Vakavula ni Me iSakisaki ni iTabagone, Epereli 2022. Fijian. 18314 858