Mesaj mansyèl Pou Fòs Jèn yo , Avril 2022

Soufrans Sovè a

Plizyè santèn ane avan Jezikri te vini, Ezayi te bay pwofesi sou soufrans Li pou peche nou yo.

Ezayi 53:3–5

3 Tout moun te vire do ba Li ; li te soufri anpil, li te tout tan nan gwo lapenn: tout moun te vire tèt yo pou yo pa wè l; nou pa t okipe l, nou pa t pran ka l menm.

4 Men se soufrans nou ta gen pou nou soufri a li t ap soufri pou nou, se doulè nou ta gen pou santi nan kò pa nou li te pran sou do l: nou menm menm, nou te konprann se pini Bondye t ap pini l, se frape Bondye t ap frape l, se kraze Bondye t ap kraze l anba men l.

5 Men se pou peche nou kifè yo te mete san l deyò konsa, se akoz mechanste nou kifè yo te kraze l anba kou konsa: chatiman ki te pou nou an se sou li li tonbe; se konsa li ba nou kè poze; epi avèk tout kou li te resevwa yo, li ban nou gerizon.

meprize e rejte

Men Jezikri ki mare

Lè Jezikri te vini sou latè, gen kèk moun ki te kwè nan Li, men gen anpil ki pa t kwè. Yo te menm meprize L, e anpil te rayi Li. Alafen, pèp la te chwazi pou yo te tòtire L ak touye Li. (Gade 1 Nefi 19:9.)

se soufrans nou li te pran sou tèt li

Jezikri ajenou nan Jetsemani

Jezikri te pran sou do Li tout doulè, maladi, ak feblès nou yo. Li te fè sa yon fason pou Li te gen mizèrikòd pou nou e pou L te konnen kijan pou Li ede nou. (Gade Alma 7:11–13.)

se pou peche nou ki fè yo te mete san l deyò konsa

Jezikri sou kwa a

Jezikri te soufri pou peche nou. Li te fè sa pou nou ka jwenn padon lè nou repanti. (Gade Doktrin ak Alyans 18:11; 19:15–19.)

avèk tout kou li te resevwa yo, li ban nou gerizon

pèp la touche men Jezikri resisite a

“Sikatris Li yo” se blesi L yo. Tout sa se pou tout soufrans Li te andire pou nou, enkli san Li ki te koule ak lanmò Li. Paske Jezikri te soufri pou nou, nou ka geri yon fwa ankò. Sakrifis Li a rann posib pou peche nou yo jwenn padon. Lè nou repanti epi nou eseye kenbe alyans nou yo, Li geri nou epi Li chanje nou. (Gade Moyiz 3:7–11; Atik Lafwa 1:3.)

© 2022 pa Intellectual Reserve, Inc. All rights reserved. Enprime nan Etazini Damerik. Apwobasyon anglè: 6/19. Apwobasyon tradiksyon: 6/19. Tradiksyon Monthly For the Strength of Youth Message, April 2022. Haitian Creole. 18314 036