Padahk en Sounpwong kan Ong ni Kakehlepen me Pwulopwul kan Epreil, 2022

Lokolok en Sounkomouro

Sounpar epwiki kei mwohn Sises Krais ah ketdouh, Aiseia kohpada Sapwellime lokolok ong dipatail kan.

Aiseia 53:3–5

3 E ketin kamwamwahla oh aramas akan soikala; ih aramas en lokolok men, oh e ahnlahr soahngen medek koaros: oh kitail sohte kin men kilang; oh aramas kin mwamwahliki likamwete ih sohte mwahn katepe.

4 Ahpw e ketin lokolongki atail lokolok kan, oh weuwa atail pahtou kan: ahpw kitail medemedewe me Koht me ketkihong kalokolok wet.

5 Ahpw dipatail kan me e ketin ohkihla, atail wiewia suwed kan me e ketin lipwalipwkihda: lokolok me e ketin sapwellimaniki me kihong kitail popohl; oh lipwen ohla kan ni paliwere me kaunsekeikitailla..

kamwamwahla oh soikala

Limen Sises Krais pirapirpene

Ni ansou me Sises Krais ketdo sampah, ekei aramas kamehlele Ih, ahpw palilaud sohte kamehlele. Irail pil kilengdieng powe duwehte sohte Ih mehkot, and me tohto kailongki Ih. Ni imwilahu, aramas akan pilada en kaloke Ih oh kemehla. (Kilang 1 Nephi 19:9.)

e ketin lokolongki atail lokolok kan

Sises Krais ketin kilipwikihdi nan Ketsemeni

Sises Krais ketin alehda medek koaros, soumwahu koaros oh luwet akan me sapwellime aramas akan pahn tungoalenki. E ketin wia met pwe En kak mahkehng kitail oh kak mwahngih mwomwen ah pahn ketin sewese kitail. (Kilang Alma 7:11–13.)

dipatail kan me e ketin ohkihla

Sises Krais pohn lohpwuo

Sises Krais ketin lokolongkiher dipatail kan. E ketin wia met pwe kitail en kak ale mahkepatail ni ansou me kitail pahn koluhla. (Kilang Doctrine and Covenants 18:11; 19:15–19.)

ohla kan ni paliwere me kaunsekihkitaila

aramas akan doahke limen Sises Krais mwurin e ketin iasadahr

“lipwen wowokih kan ni paliwere” me wia Sapwellime ohlah kan. Mepwukat me kasalehda lokolok koaros me E ketin sapwellimankidah ong kitail, me iangahki kakerehdien Sapwellime nta oh Sapwellime pwoula. Pwehki Sises Krais ketin lokolongkier pwehki kitail, kitail kak pwurehng unsekla. Sapwellime tohnmetei me karehda kitail kak ale mahkepen dipatail kan. Ni atail pahn koluhla oh nantiheng kapwaiada atail inou sarawi kan, E pahn ketin kaunsekeikitaila oh wekidkitaila. (Kilang Mosiah 3:7–11; Articles of Faith 1:3.)

© 2022 sang Intellectual Reserve, Inc. Kolokol pwuhng koaros. Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwepen Monthly For the Strength of Youth Message, April 2022. Pohnpeian. 18314 000