Shoko reMwedzi Woga Woga reFor the Strength of Youth (ZveRusimbiso rweVechidiki), Kubvumbi 2022

Muponesi Arikutambura

Mazana emakore Jesu Kristu asati auya, Isaya akafanoona kutamburira Kwake zvivi zvedu.

Muporofita Isaya 53:3–5

3 Anozvidzwa uye anorambwa nevanhu; munhu werusuwo, uye anoziva marwadzo: uye nemamwe matauriro takavanza zviso zvedu kwaari; akazvidzwa, uye isu hatina kumukudza.

4 Zvirokwazvo akatakura marwadzo edu, uye akatakura rusuwo rwedu; asi takamuona seakarwadziswa, akarohwa naMwari, uye nokutambudzwa.

5 Asi akakuvadzirwa zvitadzo zvedu, akakuzvurirwa zvitema zvedu: chirango chakakomba cherunyararo rwedu chakava paari; uye nemavanga ake takaporeswa.

akazvidzwa uye akarambwa

Apo Jesu Kristu paakauya panyika, vamwe vanhu vakatenda maAri, asi vakawanda havana. VakatoMutarisira pasi, uye vakawanda vakamuvenga. Pakupedzisira, vanhu vakasarudza kuti vaite kuti atambudzwe uye auraiwe. (Ona 1 Nifai 19:9.)

akatakura marwadzo edu

Jesu Kristu akatora paAri marwadzo edu ose, hurwere, neutera hwedu hwose. Akaita izvi kuitira kuti Agotinzwira ngoni uye nokuziva mabatsiriro aangatiita. (Ona Aruma 7:11–13.)

akakuvadzirwa zvitadzo zvedu

Jesu Kristu akatamburira zvivi zvedu. Akaita izvi kuitira kuti tikwanise kuregererwa apo patinotendeuka. (Ona Dzidziso neZvibvumirano 18:11; 19:15–19.)

nemavanga ake tinoporeswa

“Mavanga Ake” ndiwo maronda Ake. Izvi zvinomirira kutambura kwose kwaAkatsungirira kuitira isu, kusanganisira kudeurwa kweropa Rake uye rufu Rwake. Nokuti Jesu Kristu akatitamburira, tinokwanisa kuitwa vakazara zvakare. Kuzvipira Kwake kunoita kuti zvikwanisike kuti zvivi zvedu zviregererwe. Apo patinotendeuka uye tichiedza kuchengeta zvibvumirano zvedu, Anotiporesa uye nekutishandura. (Ona Mosaya 3:7–11; Misimboti yeChitendero 1:3.)

© 2022 neIntellectual Reserve, Inc. All rights reserved. Chakadhindwa muUSA. Mvumo yemuChirungu: 6/19. Mvumo yeDudziro: 6/19. Dudziro yeMonthly For the Strength of Youth Message, April 2022. Shona. 18314 731