Mulwol ni Fan ko Gelngin e Pi’in ni Fal’yangren ko, April 2021

Fare Tathapeg ni Gafgow

Ra’ay nge buch e duw kafram u m’on ni yib Yesus Kristus, guy Isaiah nga m’on rogon nin gafgow nag ni bachan e pi denen rodad.

Isaiah 53:3–5

3 Ire i paer e gidiiʼ nga ur dariy fan niged ma ur feked yathin; beeʼ nib moʼon ni bay e kirbaenʼ rokʼ, ma manang amthune kirbaenʼ: ma gaed fek oewchdaed rokʼ; un dariy fan nag, ma daʼ ud lemniged.

4 Rriyulʼ ni i gafgow i thamiy amthun e kirbaenʼ rodaed, nge malngin i chibiy e pi gafgowaenʼ rodaed: machane da lemniged ni Got e ke gechig nag, me gafgow ko amith.

5 Machane ni madʼad ngakʼ ni bachan e pi ngongol rodaed nib kireb, ma i bech doew ni bachan e pi denen rodaed: gafgowen e gapas rodaed e aw nga dakean; nge pi dumow ni un tay ngakʼ e ke thapegdaed riy.

paer e gidiiʼ nga ur dariy fan niged ma ur feked yathin

Paʼ Yesus Kristus ni kan Mʼag

Napʼan ni yib Yesus Kristus nga fayleng, boch e gidiiʼ e michuwanʼ ngak, ma oren e dani michuwanradʼ ngak. Dan un ntayfan, ma oren e fananikay. Ma tomur riy, ma gidiiʼ e ra melʼeged ni ngan gafgow nag min liiʼ nge yimʼ. (Mu guy ko 1 Nephi 19:9.)

i gafgow i thamiy amthun e kirbaenʼ rodaed

Yesus Kristus ni be garbug u Gethsemane

Yesus Kristus e fek nga daken gubin mit e amith rodad, gubin mit e mʼar rodad, nge pi moʼowaer rodad. Ke rrinʼ e biney ni nge yog ni sug lan ngorngoren ko murnguy ni fan ngodad me nang rogon ni nge ayuwegdad. (Mu guy ko Alma 7:11–13.)

madʼad ngakʼ ni bachan e pi ngongol rodaed nib kireb

Yesus Kristus u daken fare kuruth

Yesus Kristus ni gafgow ko fapi denen rodaed. Ke rrinʼ e biney ni nge yog ni yira nʼagfan rodad napʼan ni bay ni kalnganʼ. (Mu guy ko Doctrine and Covenants 18:11; 19:15–19.)

pi dumow ni un tay ngakʼ e ke thapegdaed riy

yaʼan e gidiiʼ nibe math nga paʼ Yesus Kristus u tomuren nin fosagkoyamʼ

“Pi dumow ni un tay ngakʼ” e ireram fadan e madʼad rokʼ. Tiney e be yip fan gubin mit fapi gafgow ni athamgiliy ni fan ngodad, nib muʼun e poʼog rachaʼen nge yamʼ ni tay. Bachan ni gafgow Yesus Kristus ni fan ngodad, aram nrayog ni ran poloʼ nagdad biyay. Gafgow ni tay e falʼag kanawoʼen fapi denen rodad ni ngeyag ni ngan nʼagfan. Napʼan ni gadadra kalnganʼ min gay rogon ngan fol ko fapi mʼag rokʼ, ma rayog nra gol nagdad me thilyegdad. (Mu guy ko Mosiah 3:7–11; Fapi Kenggin Lik’ngin e Mich 1:3.)

© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’yangren, April 2022. Yapese. 18314 905