Ọ̀rọ̀ Oṣooṣù Fún Okun àwọn Ọ̀dọ́ , Oṣù Kẹrin 2022

Olùgbàlà Tó Njìyà

Ọgọgọ́ọ̀rún àwọn ọdún kí Jesu tó dé, Isaiah rí ìjìyà Rẹ̀ fún àwọn ẹ̀ṣẹ́ wa ṣíwájú.

Ìsàíàh 53:3–5

3 A kẹ́gàn Rẹ a sì kọ̀ọ́ sílẹ̀ lọ́dọ̀ àwọn ènìyàn; ẹni ìkáánú, tí ó sì mọ ìbànújẹ́; ó sì dàbí ẹnipé ó mú kí ojú wa mọ́ kúrò lára rẹ̀; a kẹ́gàn rẹ̀, àwa kò sì kà á sí.

4 Lõótọ́ ó ti ru ìbànújẹ́ wa, ó sì gbé ìkàánú wa lọ; ṣùgbọ́n àwa kà á sí bí ẹnití a nà, tí a lù láti ọ̀dọ̀ Ọlọ́run, tí a sì pọ́n lójú.

5 Ṣùgbọ́n a ṣáa ní ọgbẹ́ nítorí ìrékọjá wa, a paá ní ara nítorí àìṣedẽdé wa; iná àlãfíà wa wà lára rẹ̀, àti nípa ínà rẹ̀ ni a fi mú wa lára dá.

ìkẹ́gàn àti ìkọ̀sílẹ̀

Nígbà tí Jésù wá sí ilé-ayé, ọ̀pọ̀ àwọn ènìyàn gbàgbọ́ nínú Rẹ̀, ṣùgbọ́n púpọ̀jùlọ kò gbàgbọ́. Wọ́n tilẹ̀ fojú kéré Rẹ̀, ọ̀pọ̀lọpọ̀ sì kórira Rẹ̀. Ní òpin rẹ̀, àwọn ènìyàn yàn láti fi ìyà jẹ Ẹ́ wọn sì paá. (Wo 1 Néfì 19:9.)

ó ti ru ìkáánú wa

Jesu Kristi gba gbogbo ìnira, àìsàn àti àìlera wa sórí ara rẹ̀. Ó ṣe èyí kí ó lè ṣe àánú fún wa àti kí ó lè mọ bí yíò ṣe rànwá lọ́wọ́. (Wo Álmà 7:11–13.)

A ṣá a lọ́gbẹ́ nitori àwọn írékọjá wa

Jesu Kristi jìyà fún àwọn ẹ̀ṣẹ̀ wa. Ó ṣe èyí kí a lè rí idáríjì bí a ṣe nronúpìwàdà. (Wo Ẹ̀kọ́ àti Àwọn Májẹ̀mú 18:11; 19:15–19.)

pẹ̀lú àwọn ìna rẹ̀ ati mú wa láradá

“Ìnà rẹ” ni àwọn ọgbẹ́ Rẹ̀. Èyí dúró fún gbogbo ìyà tí Ó ti faradà, pẹ̀lú ìtàjẹ̀ sílẹ̀ Rẹ̀ àti ikú Rẹ̀. Nítorí Jésù Krístì jìyà fún wa, a lè di pípé lẹ́ẹ̀kan sí. Ìrúbọ Rẹ̀ mú ṣeéṣe láti ní ìdáríjì fún àwọn ẹ̀ṣẹ̀ wa. Bí a ṣe nronúpìwàdà tí a sì ngbìyànjú láti pa àwọn májẹ̀mú wa mọ́, Ó nwò wá sàn Ó sì nyí wa padà. (Wo Mòsíàh 3:7-11; Àwọn Nkan Ìgbàgbọ́ 1:3.)

© 2022 nípasẹ̀ Intellectual Reserve, Inc. Gbogbo àwọn ẹ̀tọ́ ni a fipamọ́. A tẹ̀ẹ́ ní USA. Àṣẹ Èdè Gẹẹsì: 6/19. Àṣẹ Ìyírọ̀padà: 6/19. Ìyírọ̀padà-èdè ti Oṣooṣù Fún Okun Àwọn Ọ̀dọ́, Oṣù Kẹrin 2022. Yoruba 18314 779