“Ang Inyong Lawas: Usa ka Bililhon nga Gasa,” Alang sa Kalig-on sa mga Kabatan-onan, Hunyo. 2022.
Ang Inyong Lawas: Usa ka Bililhon nga Gasa
Dili ba nindot kon kamo adunay usa ka kamisin nga moayo lang sa kaugalingon kon inyong gision ang panapton? O usa ka lamesa nga makaayo og naguba nga mga tiil nga mahimong mas maayo pa kay sa bag-o?
Nan, ang lawas sa tawo makahimo sa tanan niana ug labaw pa! Walay butang nga nahimo sa tawo nga ikatandi kon unsa ka talagsaon ug kamapuslanon sa lawas sa tawo.
Isip anak sa Dios, kamo mianhi sa yuta nga adunay pisikal nga lawas. Kini nga lawas makatabang kaninyo nga makakat-on, molambo, ug mouswag sa kahangtoran. Pagkadako nga panalangin!
Gikan sa ulo hangtod sa kumagko, bisan unsa pa ang inyong porma, gidak-on, ang inyong lawas usa ka hilabihan ka maanindot ug makapadasig!
Ang inyong lawas mao ang usa ka gasa sa Dios, busa importante ang pag-amuma niini. Ania ang pipila ka mga sugyot sa pag-atiman sa inyong lawas aron magpabilin nga kusgan ug himsog:
Motuman sa Pulong sa Kaalam, lakip sa direksiyon sa pagkaon og himsog nga mga pagkaon.
Pag-ehersisyo kanunay.
Hatagi og pagtagad ang inyong mga emosyon ug mga buot. Pangita og mga paagi sa pagrelaks ug paningkamotan nga mawala ang negatibo nga mga pagbati, sama sa paglakaw ug pagpakig-istorya sa tawo nga imong kasaligan.
Katulog og sakto.
Kon inyong atimanon ang inyong lawas, kamo nagpakita sa Langitnong Amahan nga kamo mapasalamaton alang sa Iyang bililhon nga gasa nganha kaninyo. Kamo usab nagdapit sa Espiritu Santo diha sa inyong kinabuhi.
Ug kon kamo moatiman sa inyong maanindot nga lawas, kini motabang kaninyo nga makatagamtam og daghan pang talagsaong mga butang sa tibuok ninyong kinabuhi!