“Choose,” For the Strength of Youth, June 2022.
ຂ່າວສານປະຈໍາເດືອນ For the Strength of Youth, ເດືອນມິຖຸນາ 2022
ຈົ່ງຕັດສິນໃຈ
ໂຢຊວຍໄດ້ຊຸກຍູ້ຜູ້ຄົນຂອງເພິ່ນໃຫ້ເລືອກສິ່ງທີ່ຖືກຕ້ອງ—ເພື່ອຕິດຕາມພຣະຜູ້ເປັນເຈົ້າ.
ຈົ່ງຕັດສິນໃຈ
ຄວາມສາມາດຂອງເຮົາທີ່ຈະຕັດສິນໃຈ ແລະ ກະທຳດ້ວຍຕົວເຮົາເອງເອີ້ນວ່າ ອຳເພີໃຈ. ມັນເປັນພາກສ່ວນໜຶ່ງທີ່ສຳຄັນໃນແຜນຂອງພຣະບິດາເທິງສະຫວັນ. ຈຸດປະສົງໜຶ່ງໃນຊີວິດນີ້ຄືການສະແດງໃຫ້ເຫັນວ່າເຮົາຈະເລືອກເຊື່ອຟັງພຣະບັນຍັດຂອງພຣະເຈົ້າເພື່ອເຮົາຈະສາມາດເປັນເໝືອນດັ່ງພຣະອົງຫລາຍຂຶ້ນ. ເຮົາຈະຖືກພິພາກສາຕາມການເລືອກຂອງເຮົາ. (ເບິ່ງ 2 ນີໄຟ 2:27; ຄຳສອນ ແລະ ພັນທະສັນຍາ 101:78; ອັບຣາຮາມ 3:25.)
ມື້ນີ້
ໂຢຊວຍໄດ້ຊຸກຍູ້ໃຫ້ຜູ້ຄົນຂອງເພິ່ນຕັດສິນໃຈໃນ “ມື້ນີ້,” ຫລື ດຽວນີ້. ເຮົາສາມາດເຮັດການຕັດສິນໃຈທີ່ສຳຄັນເທື່ອດຽວ ແລະ ແລ້ວພະຍາຍາມຍຶດໝັ້ນກັບມັນ. (ເບິ່ງ ເພງສັນລະເສີນ 37:5.)
ຮັບໃຊ້
ໃນຂໍ້ນີ້, ຮັບໃຊ້ໝາຍເຖິງນະມັດສະການ, ຊ່ວຍເຫລືອ, ເຊື່ອຟັງ, ແລະ ອຸທິດຕົນຕໍ່ຄົນໃດຄົນໜຶ່ງ. ເຮົາຄວນຮັບໃຊ້ພຣະຜູ້ເປັນເຈົ້າ (ເບິ່ງ ໂມເຊ 1:15).
ບັນດາພະ
ຊາວອິດສະຣາເອນໄດ້ຖືກບັນຊາໃຫ້ຮັບໃຊ້ພຣະເຈົ້າທີ່ແທ້ຈິງ ແລະ ຊົງພຣະຊົນຢູ່ອົງດຽວເທົ່ານັ້ນຄື, ພຣະເຢຊູຄຣິດ (ເບິ່ງ ອົບພະຍົບ 20:2–5). ໂຢຊວຍໄດ້ໃຫ້ຕົວຢ່າງຂອງບັນດາພະອື່ນໆ ທີ່ຜູ້ຄົນຂອງເພິ່ນບໍ່ຄວນນະມັດສະການ. ບັນດາພະໃນຊີວິດຂອງເຮົາອາດລວມທັງຊັບສົມບັດ, ຄວາມຄິດເຫັນຂອງຄົນອື່ນ, ຄວາມສົນໃຈອື່ນໆ—ສິ່ງໃດກໍຕາມທີ່ພາເຮົາໄປຈາກພຣະຜູ້ເປັນເຈົ້າ.
ຂ້າພະເຈົ້າກັບຄອບຄົວຂອງຂ້າພະເຈົ້າ
ໂຢຊວຍໄດ້ເວົ້າເຖິງຕົວເພິ່ນເອງ ແລະ ຄອບຄົວຂອງເພິ່ນ. ເພິ່ນເວົ້າວ່າພວກເພິ່ນຈະຮັບໃຊ້ພຣະຜູ້ເປັນເຈົ້າ. ເພິ່ນຢາກນຳພາຄອບຄົວຂອງເພິ່ນດ້ວຍຄວາມຊອບທຳ ແລະ ສິດສອນພວກເຂົາໃຫ້ຕິດຕາມພຣະຜູ້ເປັນເຈົ້າ (ເບິ່ງ ຄຳສອນ ແລະ ພັນທະສັນຍາ 93:40).
© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, June 2022. Laotian. 18315 331