“Kusungula,” Bua Dikankamika dia Bansonga, Ngondo Muisambombo 2022.
Mukenji wa ku Ngondo Bua Dikankamika dia Bansonga Ngondo Muisambombo 2022
Kusungula
Yoshua wakasaka bantu benda bua benza disungula dimpa—bua kulonda Mukalenga.
kusungula
Dikumbana dietu bua kusungula ne kudienzela malu didi dibikidibua ne budienzedi. Tshidi tshikala tshitupa tshia mushinga tshia dilongolola dia Tatu wa mu Diûlu. Kipatshila kamua ka moyo ewu kadi ka kuleja ne netusungula bua kutumikila mikenji ya Nzambi bua ne tudi mua kulua bamufuana menamena. Netulumbuluishibua bilondeshela masungula etu. (Tangila 2 Nefi 2:27; Dilongesha ne Bipungidi 101:78; Abalahama 3:25.)
lelu
Yoshua wakasaka bantu benda bua kusungula “lelu,” anyi mpidiewu. Tudi mua kuenza masungula a mushinga musangu umua ne pashisha kuteta bua kushala badiambiki kudiwu. (Tangila Misambu 37:5.)
kusadila
Mu mvesa ewu, kusadila kudi kumvuija kukukuila, kuambuluisha, kutumikila ne kudifila kudi muntu. Tudi ne bua kusadila Mukalenga (tangila Mose 1:15).
nzambi
Isalele uvua muedibua mukenji bua kusadila anu Nzambi mulelela ne udi ne moyo, Yezu Kilisto (tangila Ekesode 20:2–5). Yoshua wakafila bilejilu bia nzambi mikuabu ivua bantu benda kabayi mua kukukuila. Nzambi mikuabu mu mioyo yetu idi mua kuikala biuma, kuakula kua bakuabu, majinga makuabu—tshintu tshionsu tshidi tshitushiya ntanta ne Mukalenga.
mema ne nzubu wanyi
Yoshua wakakula buenda ne bua nzubu wenda. Wakamba ne nebasadila Mukalenga. Uvua musua kulombola dîku dienda mu buakana ne kubalongesha bua kulonda Mukalenga (tangila Dilongesha ne Bipungidi 93:40).
© 2022 by Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, June 2022. Tshiluba. 18315 760