Molilt

A Joshua orimel ra rechedal me lolilt e lungil—el mo oltirakl er a Rubak.

molilt

Sel sebeched el mo melilt e di kid el louedikel el kired a domekedong er ngii el kmo mimokl el melilt. Ng klou a ultutelel el telkib er a uldesuel a Demad ra Babeluades. A tara moktek er tiang a olecholt el kmo kid a mo melilt e loltirakl a lechul a Dios meng mo sebeched el mo uai Ngii. Kede mo mokerkeriil el kirel a ikel duruul. (Mesa 2 Nephi 2:27; Doctrine and Covenants 101:78; Abraham 3:25.)

tial sils

A Joshua a ulerimel er a rechedal mel lolilt er “tial sils,” malechub chelchal taem. Kede sebeched el kutmokl a ikel lorechudel el dolilt el di tal taem e solang e melasem el lotirakl. (Mesa Psalm 37:5.)

mesiou

Elsel tial bades, e sel dosiou a belkul a mo menguul, olngeseu, oltirakl, e oterkeklau el mora tara chad. Ng kired el mesiou er a Rubak (mesa Moses 1:15).

chelid

A Israel a mla modurech el mo mesiou ra di imong e meral ngar el Dios, el Jesus Kristo (mesa Exodus 20:2–5). A Joshua a ulchotii a okesiu el bebil ra rechelid el rechedal a diak el kirir el mengull. A bebil ra rechelid ra chelsel a klengar er kid a uldimukl ra reua klalou, uldesuir a rechad, bebil ra soad el meruul— a ikel tekoi el ngoikid el oridid er a Rubak.

ngak ma telungalk er ngak

A Joshua a milekoi el kirel ma telungalk er ngii. Ngii a milekoi el kmo te mo mesiou er a Rubak. Ngii a soal el lomtebechel er a telungalk er ngii e lokiu a llemalt e olsisechakl er tir el moltirakl er aRubak (mesa Doctrine and Covenants 93:40).

© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, June 2022. Palauan. 18315 881