“Jab Mijak, Irooj Ej pād Ippōm̧” N̄an Kōkajoorļo̧k Jodikdik ro, Juļae 2022.
NAAN EO ĀLIKTATA
Jab Mijak—Irooj Ej pād Ippōm̧
Jān juon ekōnono an Oktoba 2018 kweilo̧k eo eļap..
Mijak ejjab kāāl. Jān jem̧aan, mijak ej kadikļo̧k ad loe ta ko Anij ej loe n̄an ajri ro Nejin. Ilo 2 Kiin̄ Ro, kiin̄ eo an Siria ekar jilkinļo̧k juon kumi in tariņae n̄an bōke im kameje rikanaan Ilaisha.
“Ke ļeo rikarijeran [Ilaisha] ear jerkak ke e jibbon̄ wōt, im diwōjļo̧k, lo, juon jar in tariņae im kidia ko im jariot ko rej kōpooļ jikin kweilo̧k eo. Im rikarijeran [Ilaisha] ear ba n̄an e, “Yok, aō Irooj! Jenaaj et?” (2 Kiin̄ Ro 6:15).
En̄in kar mijak ekar kōnono.
“Im [Ilaisha] ekar uwaak, Kwōn jab mijak: bwe ro rej rie kōj relōn̄ jān ro rej rie er.
“Im Ilaisha ekar jar, im ba, Irooj, Ij jar n̄an eok, kwōn kapeļļok mejān ļein bwe en loļo̧kjeņ. Im Irooj ekar kapeļļok mejen likao eo im ear loļo̧kjeņ: im ekar lo: im, kōn menin, toļ eo e obrak kōn kidia ko im jariot kijeek ko rej kōpooļ Ilaisha” (2 Kiin̄ Ro 6:16–17).
Emaron̄ lōn̄ ak emaron̄ ejjeļo̧k jariot ko an kijeek rej jilkintok n̄an kōjaoiki mijak ko ad im bōk demon ko ad, ak katak in ealikkar. Irooj ej pād ippād, ļōmņak kōn kōj, im kōjeraam̧m̧an kōj ilo wāween ko E wōt emaron̄ kōm̧m̧ani.
Iien otemjej n̄e jej lōke Irooj im iaļ ko An, n̄e jej niknik ilo jerbal eo An, jeban mijak men ko an laļ in im jeban lōļn̄o̧n̄ kaki. Irooj ej laletok kōj, kea kōn kōj, im jutak tūrid.