“Tiac Sahngweng, Leum El wi Kom,” Nuh ke Kuh luhn Mwet Fuhsr, Julahe 2022.
Mahlwem Nuhkwewa Nuh ke Kuh luhn Mwet Fuhsr Mwe Fahkwack, Julahe 2022
Tiac Sahngweng—tuh Leum El wi Kom
Sahngweng tiac ma sasuc se. Ke pacna pacl meet ah, sahngweng uh tiacna arlac yohk akihlenyac sin tuhlihk nuhtin God. Ke Luo Tokosra, tohkohsrah luhn acn Syria suhpwaclah mwet puhs in srukilyac ac unilyac mwet pahluh Elisha.
“Ac toang na ke lotu se tok ah, mwet kulansap se lal [Elisha] illa liki lohm ah, ac liye lah un mwet mweun lun Syria wi horse ac chariot natulos raunela siti uh. Ac mwet kuhlwacnsap se lal [Elisha] fahk nuh sel, Safla, master luk! Mea kut ac oru?” (Luo Tokosra 6:15).
Sahngweng pa sramsram ingacn.
“Ac [Elisha] el topuk, Nimet sangeng: Pus mwet wi kut lukelos.
“Ac Elisha el pre, ac fahk, Leum, nga pre, ikasla mutal, elan ku in liye. Ac Leum el topuk pre lal, ac mwet kulansap lal Elisha el ngetak ac liye lah pe eol uh sessesla ke horse ac chariot e, raunella Elisha” (Luo Tokosra 6:16–17).
Sahp ac oasr kuh wacngihn chariot in e suhpweyuckme in ahkwacngihnyelah sahngweng lasr ac kuhtanglah ma koluk lasr, tuhsruhk mwe luti uh kahlwem. Leum El wi kuht, nuhnkuh kacsr, ac ahkinsewowoye kuht ke ohiyac El muhkwena kuh in oruh.
Fin kuht kampare in luhlahlfongi Leum ac inkacnek Lal, fin kuht oruh orekma Lal, kuht fah tiac sahngweng ke ma lusrohngtwen luhn facluh kuh elyah kac. Leum El lie kuht, karihngihn kuht, ac tu siskacsr.
© 2022 ke Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly For the Strength of Youth Message, July 2022. Kosraean. 18298 868